17 تامىزدا ەركىن كۇرەستەن جاسوسپىرىمدەر اراسىنداعى الەم چەمپيوناتىنىڭ فينالدىق سايىسى ءوتتى، وندا كەڭەس وداعىنىڭ باتىرى پولكوۆنيك باۋىرجان مومىش ۇلى اتىنداعى 5571 اسكەري ءبولىمىنىڭ اسكەري قىزمەتشىسى 92 كەلىگە دەيىنگى سالماق دارەجەسىندە ەكىنشى ورىنعا يە بولدى، دەپ حابارلايدى Almaty-akshamy.kz ق ر ۇلتتىق ۇلانىنىڭ باسپا ءسوز قىزمەتىنە سىلتەمە جاساپ.
يوردانيا استاناسىندا ەركىن كۇرەستەن جاسوسپىرىمدەر اراسىنداعى الەم چەمپيوناتى اياقتالدى. ءبىزدىڭ بالۋان ءتورت جەكپە-جەكتە جەڭىسكە جەتتى، ءبىراق، وكىنىشكە وراي، يراننان كەلگەن سپورتشىعا 45 ەسەبىمەن فينالدىق جەكپە-جەكتە جەڭىلىپ، بىرىنشىلىكتىڭ كۇمىس مەدالىن جەڭىپ الىپ، قازاقستاندىق كوماندانىڭ قورجىنىنا ءبىرىنشى مەدال اكەلدى.
- بۇل مەنىڭ الەم چەمپيوناتىنا ەكىنشى رەت قاتىسۋىم. وسى جارىستارعا دەيىن مەنىڭ جەتىستىكتەرىم تەك ازيا چەمپيوناتىندا بولدى. مەن فاۆوريتتەردىڭ ءبىرى رەتىندە كەلدىم، سوندىقتان مەنىڭ قارسىلاستارىمنىڭ بارلىعى مىقتى بولدى. ەڭ قيىنى سوڭعى جەكپە-جەك بولدى. قارسىلاس وتە كۇشتى بولدى، فينالعا دەيىن تەڭ ەسەپتە كەلدىك. ءبىراق مەن تۇعىردىڭ ەكىنشى ساتىسىن عانا الدىم. ۇلتتىق ۇلان قولباسشىلىعىنا جانە ق ر ءىىم "دينامو" دەنە شىنىقتىرۋ سپورت قوعامىنىڭ باسشىلىعىنا ەلىمىزدىڭ اتىنان شەتەلدىك ارەنادا وكىلدىك ەتۋگە مۇمكىندىك بەرگەنى ءۇشىن العىسىمدى بىلدىرگىم كەلەدى، - دەپ اتاپ ءوتتى قاتارداعى ريزابەك ايتمۇحان.
قازىرگى ۋاقىتتا ريزابەك الماتى قالاسىندا وتان الدىنداعى بورىشىن وتكەرۋدە.