تۇركيالىق «بەشيكتاش» كومانداسى 21 تامىز كۇنى قازاقستان قۇراماسىنىڭ جارتىلاي قورعاۋشىسى باقتيەر زاينۋتدينوۆتى رەسمي تۇردە تانىستىردى، دەپ حابارلايدى Almaty-akshamy.kz.
ىستانبۇل كلۋبى الەۋمەتتىك جەلىلەردەگى پاراقشالارىندا ارەناعا 25 جاستاعى فۋتبولشى شىققان ءتۇپنۇسقا بەينەروليكتى جاريالادى.
زاينۋتدينوۆ فۋتبولشىلارىن «بۇركىت» دەپ اتايتىن «بەشيكتاشتىڭ» ءداستۇرلى قيمىلىن كورسەتىپ، تۇرىك تىلىندە «ءارقاشان كەز كەلگەن جەردە ەڭ ۇلكەن بۇركىت»، - دەدى.
«بەشيكتاش» وتىنىمىنە سايكەس، زاينۋتدينوۆتىڭ كەلىسىمشارتى 2027 جىلعى 30 ماۋسىمعا دەيىن ەسەپتەلگەن. تۇرىك باق-تارىنىڭ حابارلاۋىنشا، ىستانبۇل كلۋبى ويىنشىنىڭ اۋىسۋى ءۇشىن ماسكەۋلىك سسكا-عا 4،5 ملن ەۋرو تولەدى. ونىڭ جالاقىسى ءبىر ماۋسىمدا شامامەن 1،2 ملن ەۋرونى قۇرايدى.
قازاقستاندىق فۋتبولشى 2020 جىلدان بەرى ماسكەۋدىڭ سسكا كلۋبىندا وينادى. ءۇش جىلدا سسكا ءۇشىن 83 ماچ وتكىزىپ، 7 گول سوقتى.