بۇگىن-ەرتەڭ ۋكرايناداعى قازاقستاندىقتار ەلگە ورالا الادى
رەيس كاتوۆيسە قالاسىنان (پولشا) جۇزەگە اسىرىلادى. قازاقستان ازاماتتارىنا ۋكراينا-پولشا شەكاراسىنان اۋەجايعا دەيىن ۆيزاسىز «جاسىل ءدالىز» قامتاماسىز ەتىلگەن، دەپ حابارلايدى Almaty-akshamy.kz Elorda.info-عا سىلتەمە جاساپ.
«ازاماتتاردان مۇمكىندىگىنشە لۆوۆ قالاسىنا كەلۋلەرىن سۇرايمىز، قابىلداۋ پۋنكتى - زامكنەنا كوشەسى، 3/1 مەكەنجايى بويىنشا قازاقستان رەسپۋبليكاسىنىڭ قۇرمەتتى كونسۋلدىعى، تەل. +38 (032) 240-36-70، +38 (067) 989-28-19. قوسىمشا اقپارات الۋ ءۇشىن Air Astana وكىلدەرىنە كەلەسى تەلەفوندار ارقىلى حابارلاسۋ قاجەت: +38 (050) 051-11-17، +38 (050) 981-54-49»، - دەپ حابارلايدى مينيسترلىك.