نۋتريسيولوگ كەڭەسى: D دارۋمەنىنىڭ ورنىن ءدارى قولدانباي قالاي قالپىنا كەلتىرۋگە بولاتىنىن ايتتى
نۋتريسيولوگ ەلەنا ۆوسكرەسەنسكايا D دارۋمەنىنە باي ءبىرقاتار ازىق-تۇلىك ونىمدەرىن اتادى. ماماننىڭ ايتۋىنشا، بۇل دارۋمەن اعزاعا تاماقپەن بىرگە تۇسەتىن كالسيي مەن فوسفوردى سىڭىرۋگە كومەكتەسەدى، دەپ حابارلايدى Almaty-akshamy.kz رەن-تۆ سايتىنا سىلتەمە جاساپ.
بۇل ميكرونۋتريەنت قاتەرلى ىسىكتىڭ دامۋىنىڭ، سۇيەك ءتىنىنىڭ جۇمسارۋىنىڭ جانە وستەوپورزدىڭ الدىن الادى. سونىمەن قاتار ول جۇيكە جانە يممۋندىق جۇيەگە پايدالى، ينسۋلين مولشەرىن رەتتەپ وتىرادى.
ۆوسكرەسەنسكايا بۇل دارۋمەننىڭ 90%-ى اعزادا ۋلتراكۇلگىن ساۋلەلەرلەن بولىنەتىنىن اتاپ ءوتتى. الايدا جاز ماۋسىمى قىسقا بولاتىن وڭىرلەردە D دارۋمەنىن ازىق-تۇلىكتەن الۋ كەرەك ەكەن.
بۇل دارۋمەنگە مايلى بالىق، سونىمەن قاتار، قىزىل جانە قارا ۋىلدىرىق، ۇلۋدىڭ جەۋگە بولاتىن ءبىر ءتۇرى (ۋستريسا) جانە ءنالىمنىڭ (ترەسكا) باۋىرى باي كەلەدى. جابايى ارقان بالىق (لوسوس)، ءسۋتىل (پالتۋس)، كەتا، قۇنىسبالىق، سكۋمبريا، ساردينا، مايشاباق - بۇلاردىڭ ءبارى D دارۋمەنىنە تولى.
«كۇن ساۋلەسىنە قانعان ورمان ساڭىراۋقۇلاقتارىندا دا D دارۋمەنى وتە كوپ. ءبىراق سۋپەرماركەتتەردەن تابىلاتىن ساڭىراۋقۇلاقتاردىڭ قۇرامىندا بۇل دارۋمەن جوقتىڭ قاسى. جۇمىرتقا، سيىردىڭ باۋىرى، سارى ماي، ەشكى ءسۇتى، سۇزبە مەن ىرىمشىك تە - D دارۋمەنىنىڭ تاماشا بالامالارى»، - دەپ مالىمدەدى نۋتريسيولوگ.