جىگەرلى بولسىن دەگەن نيەتپەن اتىن باتىر قويعان.
بوسانۋعا ايى-كۇنى جاقىنداعان كەزدە ءلاززات يگىلىك كييەۆتە بولعان. ۋكراينا مەن رەسەي ەلدەرىنىڭ اراسىنداعى باستالعان قاقتىعىستىڭ ءتورتىنشى كۇنىندە، ياعني، 28 اقپان كۇنى ءلاززات ءسابيلى بولعان، دەپ حابارلايدى Almaty-akshamy.kz Aikyn.kz cىلتەمە جاساپ.
«ۇلىم قايسار، جىگەرلى بولسىن دەگەن نيەتپەن باتىر دەپ اتادىم. نەگىزى ەۆاكۋاسيا جاسالاتىن بولىپ، جولعا شىققانبىز. جول ورتادا بوسانىپ قالدى. ارتىنان دۋنايەۆ اۋدانىنا قاراستى پەرزەنتحاناعا جەتكىزىلدىك. سوندا تۇنەپ شىقتىق»، – دەيدى نارەستەنىڭ اكەسى باۋىرجان يگىلىك.
ونىڭ ايتۋىنشا، ولار سول جاقتا ءتورت كۇندەي بولعان. بوسانعان كەلىنشەكتىڭ ءبارى جەرتولەدە جاتقان. بىرنەشە تاۋلىك بويى اۆتوبۋسپەن جۇرگەننەن مازاسىزدانعانى بولماسا، ءقازىر ءسابيدىڭ جاعدايى جاقسى. ەلگە كەلگەنشە باتىر ۇيىقتاپ كەلگەن.