ۋكراينانىڭ دەنساۋلىق ساقتاۋ مينيسترلىگى ايماقتار اراسىندا جولاۋشىلاردى تاسىمالداۋدىڭ جاڭا ەرەجەلەرى بويىنشا جول ءجۇرۋ قۇجاتتارىنىڭ ءتىزىمىن جاريالادى
ولار 21 قازاندا كۇشىنە ەنەدى. بۇل تۋرالى 12 قازان، سەيسەنبىدە، دەنساۋلىق ساقتاۋ مينيسترلىگىنىڭ باسپا ءسوز قىزمەتى مالىمدەدى، دەپ حابارلايدى Almaty-akshamy.kz Almaty.tv-عا سىلتەمە جاساپ.
«سارى» ايماق
«سارى» كارانتيندىك ايماقتاعى ايماقارالىق ساياحات ءۇشىن كەلەسى قۇجاتتاردىڭ ءبىرى قاجەت:
- COVID-19 ۆاكسيناسىنىڭ كەم دەگەندە ءبىر دوزاسىن العانى تۋرالى كۋالىك؛
- 72 ساعات ىشىندە جارامدى پتر تەستىنىڭ نەمەسە COVID-19 ەكسپرەسس-تەستىنىڭ تەرىس ناتيجەسى تۋرالى سەرتيفيكات.
«قىزىل» ايماق
ەپيدەميولوگيالىق قاۋىپسىزدىكتىڭ «قىزىل» دەڭگەيى بار ايماققا بارۋ ءۇشىن كەلەسى قۇجاتتاردىڭ ءبىرى قاجەت:
- كوروناۆيرۋسقا قارسى ەگۋدىڭ تولىق كۋرسىن العانى تۋرالى كۋالىك؛
- 72 ساعات ىشىندە جارامدى پتر تەستىنىڭ نەمەسە COVID-19 ەكسپرەسس-تەستىنىڭ تەرىس ناتيجەسى تۋرالى سەرتيفيكات.
بۇعان دەيىن مينيسترلەر كابينەتى كارانتيندى كۇشەيتۋ تۋرالى شەشىم قابىلداعانى حابارلانعان بولاتىن. اۆتوبۋستار مەن پويىزداردى تەك ەكپە العان ادامدار عانا پايدالانا الادى.