QAZAQ STYLE جانە ءبىر جەكپە-جەك وتكىزبەك
ورتا سالماقتا WBO Global جانە WBC Continental Americas بەلدىكتەرىنە يە جانىبەك ءالىمحان ۇلى (10-0، 6كو) 5 قاراشادا جەكپە-جەك وتكىزەتىنىن ايتىپ، مالىمدەمە جاسادى، دەپ حابارلايدى Almaty-akshamy.kz
ۆكونتاكتە الەۋمەتتىك جەلىسىندەگى «قازاقستاننىڭ كاسىپقوي بوكسى» پاراقشاسىندا ءمالىم ەتىلگەندەي، جانىبەك بيىلعى 5 قاراشادا لاس-ۆەگاستا تاجىريبەلى فرانسۋز بوكسشىسى حاسسان ندام نجيكامعا (38-5، 21كو) قارسى جەكپە-جەك وتكىزەدى. ايقاس الدىندا قازاقستاندىق سپورتشى بوكستاعى ءوزىنىڭ بىرەگەي ءستيلى تۋرالى تاعى ءبىر مارتە مالىمدەدى.
«مەن باسقالاردان ەرەكشەلەنەمىن جانە ونى ءبارى بىلەدى. مەندە باسقا مانەر بار. قازاق مانەرى — الەمدەگى ەڭ ۇزدىك مانەر. 5 قاراشادا مەن ونى كورسەتەمىن»، - دەپ جازدى جانىبەك Twitter-دە.⠀
ءالىمحان ۇلى ءوزىنىڭ سوڭعى جەكپە-جەگىن بيىلعى ماۋسىم ايىندا لاس-ۆەگاستا دا وتكىزگەن بولاتىن. وندا ول WBA Regular نۇسقاسى بويىنشا ورتا سالماقتاعى ەكس-الەم چەمپيونى روب برانتتى (26-3، 18كو) مەرزىمىنەن بۇرىن سەگىزىنشى راۋندتا جەڭگەن بولاتىن.