ۋكراينادا ەپيداحۋال ۋشىقتى

ەلدە جانساقتاۋ بولىمدەرىنە تۇسكەن ناۋقاستاردىڭ سانى كۇن وتكەن سايىن ارتىپ بارادى

ۋكراينانىڭ كاحوۆكا قالاسىندا دارىگەرلەر قاتارىنان 42 ساعات اۋرۋحانادا تىنىمسىز ەكبەك ەتۋدە. وسى اپتادا تاۋلىگىنە 838 ادام كوروناۆيرۋستان كوز جۇمىپ انتيرەكورد ورنادى، دەپ حابارلايدى Almaty-akshamy.kz 24.kz-كە سىلتەمە جاساپ.

ەلدىڭ دەنساۋلىق ساقتاۋ مينيسترلىگى اۋىر حالدە جاتقانداردىڭ 96 پروسەنتى كوروناۆيرۋسقا قارسى ۆاكسينا قابىلداماعانىن حابارلايدى. جالپى ۋكرينادا ءالى كۇنگە دەيىن ەگىلمەگەن حالىقتىڭ قاراسى قالىڭ. ەل پرەزيدەنتى ۆلاديمير زەلەنسكيي ۋكراينالىقتاردى  ۆاكسينا سالدىرۋعا ىنتالاندىرۋ ءۇشىن ءار ەگىلگەن تۇرعىنعا سىياقى رەتىندە 1 مىڭ گريۆەن تولەۋدى ۋادە ەتتى. بۇل شامامەن 16 300 تەڭگە. بۇل ايماقتاعى ورتاشا جالاقىنىڭ 5 پروسەنتى. بۇگىندە ۋكراينادا Pfizer-BioNTech، Moderna، AstraZeneca مەن Sinovac پرەپاراتتارى قولجەتىمدى. دەسە دە، 41 ملن حالىقتىڭ تەك 21 پروسەنتى عانا تولىق ەگىلگەن دەپ ەسەپتەلەدى.

«ناۋقاستاردىڭ ءولىمى ءبىزدى ەسەڭگىرەتىپ تاستايدى. كەيبىرەۋلەر پسيحيكالىق اۋىتقۋعا ۇشىراپ جاتادى. دارىگەرلەردىڭ شاشى اعارا باستادى. جاعدايدى قابىلداۋ وتە قيىن. روبوت ەمەسپىز، ادام بولعاننان كەيىن ءبىز دە كۇيزەلەمىز»، - دەدى انەستەزيولوگ-رەانيماتولوگ الەكساندر مولچانوۆ.