الماتى قالاسى №15 ەمحاناسىنىڭ پەدياتر-دارىگەرى ءمولدىر اكىمجان وڭىرلىك كوممۋنيكاسيالار قىزمەتىنىڭ الاڭىندا ءسوز سويلەپ، ۋاقىت وتە كەلە انتيدەنەلەردىڭ دەڭگەيى تومەندەيتىنىن، سوندىقتان كۆي-گە قارسى ەكپەنى قايتالاۋ كەرەك ەكەنىن ەسكە سالدى دەپ حابارلايدى almaty-akshamy.kz
م. اكىمجان ريەۆاكسيناسيا ماسەلەلەرىندەگى حالىقارالىق تاجىريبە تۋرالى ايتىپ بەردى.
- يزرايل – حالىق ەكپە سالىپ، ەپيدەميولوگيالىق احۋالدى تۇراقتاندىرعان العاشقى ەلدەردىڭ ءبىرى. الايدا، جازدا جاڭا «دەلتا» نۇسقاسىنىڭ پايدا بولۋىمەن ادامدار قايتادان جۇقتىرا باستادى. سودان كەيىن عالىمدار مەن دارىگەرلەر ۆاكسينانىڭ ەكىنشى دوزاسىنان كەيىن 6 ايدان كەيىن يممۋنيتەت اناعۇرلىم جۇقپالى «دەلتا» نۇسقاسىنىڭ پايدا بولۋى اياسىندا ايتارلىقتاي تومەندەگەنىن انىقتادى. ناتيجەسىندە يزرايل ريەۆاكسيناسيا تۋرالى شەشىم قابىلدادى، - دەدى پەدياتر.
ول ريەۆاكسيناسيا اياسىندا اۋقىمدى زەرتتەۋ دەرەكتەرىمەن ءبولىستى.
- زەرتتەۋگە 60 جاستان اسقان 1 ميلليون 144 مىڭنان استام تۇرعىن قاتىستى. ولاردىڭ بارلىعى ۆاكسينانىڭ ەكى كومپونەنتىن 2021 جىلدىڭ 1 ناۋرىزىنا دەيىن الدى. كەيىن ولاردىڭ بارلىعى قايتا ۆاكسينالاندى. ءۇشىنشى ەكپە كۆي قايتا جۇقتىرۋ ىقتيمالدىعىن 11 ەسەگە، ال اۋىر اعىمدى 15 ەسەگە تومەندەتكەنى انىقتالدى، - دەدى ءمولدىر اكىمجان.
دارىگەر بارلىق الماتىلىقتارعا كۆي ۆاكسيناسىنىڭ ەكى كومپونەنتىن دە الۋعا، ال ەكپەنى تولىق العاندارعا ريەۆاكسيناسيادان ۋاقىتىلى وتۋگە كەڭەس بەردى.