قازاقستان رەسپۋبليكاسىنىڭ يندۋستريا جانە ينفراقۇرىلىمدىق دامۋ ۆيسە-مينيسترى بەرىك سايلاۋ ۇلى كامالييەۆ پەن پولشا رەسپۋبليكاسىنىڭ ينفراقۇرىلىم جانە قۇرىلىس ءمينيسترى اندجەي ادامچيك تەلەفون ارقىلى سويلەستى.
تاراپتار رەسەي فەدەراسياسى مەن ۋكراينا رەسپۋبليكاسى اراسىنداعى قازىرگى توتەنشە جاعدايدىڭ ناتيجەسىندە جۇك تاسىمالى سالاسىندا تۋىنداعان جاعدايدى تالقىلادى، دەپ حابارلايدى Almaty-akshamy.kz
ۆيسە-مينيستر ۋكراينانىڭ بەلارۋسپەن، رەسەيمەن جانە باسقا ەلدەرمەن شەكاراسىندا تۇرىپ قالعان 56 جۇك كولىگىنە قاتىستى الاڭداۋشىلىق ءبىلدىردى جانە كەيبىر كولىك جۇرگىزۋشىلەرى پولشا اۋماعىنا باعىت ۇستايتىنىن ايتتى.
وسىعان بايلانىستى ۆيسە-مينيستر پولشا مينيسترىنەن كولىك قۇرالدارىنىڭ ودان ءارى مارشرۋت بويىنشا ءجۇرۋ جانە كەيىن قازاقستانعا ورالۋ ءۇشىن پولشا اۋماعى ارقىلى ولارعا كەدەرگى كەلتىرمەي وتۋىنە كومەك كورسەتۋدى سۇرادى.
ءوز كەزەگىندە ينفراقۇرىلىم جانە قۇرىلىس ءمينيسترى اندجەي ادامچيك اۆتوكولىك قۇرالدارىن كەدەرگىسىز وتكىزۋ مۇمكىندىگىن قاراستىرۋعا كەلىستى جانە تولىعىراق اقپارات جىبەرۋدى سۇرادى.