78 جۇلدە ساراپقا سالىنادى.
2022 جىلعى XIII قىسقى پاراليمپيادا ويىندارىنىڭ اشىلۋ سالتاناتى بەيجىڭدە 4 ناۋرىزدا وتەدى. سالتاناتتى سپورتتىق شارا «قۇس ۇياسى» دەپ اتالاتىن ۇلتتىق ستاديوندا بولادى، دەپ حابارلايدى Almaty-akshamy.kz قازاقپاراتقا سىلتەمە جاساپ.
قازاقستان پاراليمپيادا قۇراماسىنان تۋدى پاراشاڭعى جارىسى بويىنشا الەم كۋبوگىنىڭ قولا جۇلدەگەرى، حالىقارالىق دارەجەدەگى سپورت شەبەرى ەربول حاميتوۆ ۇستاپ شىعادى.
قازاقستان پاراليمپيادا قۇراماسىنىڭ قۇرامىنا بەس سپورتشى كىردى: الەكساندر گەرليس، ەربول حاميتوۆ، سەرگەي ۋسولسيەۆ، يۋريي بەرەزين جانە دەنيس پەترەنكو. پاراليمپياداشىلار ەكى شاڭعى جارىسى مەن پارابياتلوندا ونەر كورسەتەدى.
قحر ءتوراعاسى سي سزينپين بەيجىڭدەگى 2022 جىلعى قىسقى پاراليمپيادا ويىندارىنىڭ اشىلۋ راسىمىنە قاتىسادى. سپورتشىلار شاڭعى جارىسى، بياتلون، تاۋ شاڭعىسى سپورتى، سلەدج-حوككەي، ارباداعى كەرلينگ جانە سنوۋبورد سياقتى سپورتتىڭ التى تۇرىنەن 78 جۇلدەنى ساراپقا سالادى.
قازاقستاندىق پاراليمپياداشىلار الدىمەن پارابياتلونعا قاتىسادى. قازاقستان اتىنان سەرگەي ۋسولسيەۆ پەن الەكساندر گەرليس ونەر كورسەتەدى. جارىس 5 ناۋرىزدا حەبەي پروۆينسياسىنىڭ چجانسزياكوۋ قالاسىندا وتەدى.