قالادا كولىك ۇرلاپ بارا جاتقان ادام ۆيدەوعا ءتۇسىپ قالدى
دەگەنمەن، ۇرى قاشىپ قۇتىلعان. الماتى قالالىق پوليسيا دەپارتامەنتىنىڭ مالىمەتىنشە، قاسكوي كولىكتى ۇرلاپ بارا جاتقان ساتىندە كولىك يەسى وعان بوگەت جاساماق بولعان، دەپ حابارلايدى Almaty-akshamy.kz قازاقپاراتقا سىلتەمە جاساپ.
ول كولىكتىڭ كاپوتىنا سەكىرەدى. ءبىراق ونىڭ ۇستىندە كوپ تۇرا الماي، جەرگە قۇلايدى. كەيىن قىلمىسكەر كولىكتى الىسقا اپارماي، توقتاتىپ، ودان شىعىپ جاسىرىنىپ ۇلگەرگەن. شاعىمدانۋشىنىڭ سوزىنشە، وعان «ساۋ جۇرگىزۋشى» قىزمەتىن كورسەتكەن ادام كولىگىن ۇرلاماق بولعان.
«پوليسيا بولىمىندە ق ر قىلمىستىق كودەكسىنىڭ 200-بابىندا قاراستىرىلعان قىلمىس بابى بويىنشا سوتقا دەيىنگى تەرگەۋ امالدارى باستالدى. ءمان-جاي انىقتالىپ جاتىر. كۇدىكتىنى ىزدەۋ جالعاسۋدا»، - دەدى اۋەزوۆ اۋداندىق پوليسيا باسقارماسىنىڭ باستىعى، پوليسيا پودپولكوۆنيگى ۇلان ءابىلقايىر.