ساناق ەكى تاسىلمەن جۇرگىزىلەدى: sanaq.gov.kz ارنايى سايتىنداعى ينتەرنەت-ساۋالناما ارقىلى 45 كۇن ىشىندە ينتەرنەت-ساۋالناما جۇرگىزۋ جانە ەلەكتروندى پلانشەتتەردى قولدانا وتىرىپ، ينتەرۆيۋەرلەرگە ادەتتەگى جاپپاي ساۋالناما جۇرگىزۋ.

ق ر پرەمەر-مينيسترى اسقار ءماميننىڭ توراعالىعىمەن وتكەن ۇكىمەت وتىرىسىندا ۇلتتىق حالىق ساناعىنا دايىندىق بارىسى قارالدى، دەپ حابارلايدى Almaty-akshamy.kz رrimeminister.kz سايتىنا سىلتەمە جاساپ. 
 
ق ر ستراتەگيالىق جوسپارلاۋ جانە رەفورمالار اگەنتتىگىنىڭ ۇلتتىق ستاتيستيكا بيۋروسىنىڭ باسشىسى نۇربولات ايداپكەلوۆ، اتىراۋ وبلىسىنىڭ اكىمى ماحامبەت دوسمۇحامبەتوۆ، اقتوبە وبلىسىنىڭ اكىمى وڭداسىن ورازالين، شىمكەنت قالاسىنىڭ اكىمى مۇرات ايتەنوۆ بايانداما جاسادى. 

مەملەكەت باسشىسى قاسىم-جومارت توقايەۆتىڭ تاپسىرماسى بويىنشا 2021 جىلعى 1 قىركۇيەكتەن 30 قازان ارالىعىندا حالىق ساناعىن وتكىزۋ جوسپارلانۋدا. ساناق پروسەسىن اۆتوماتتاندىرۋ ءۇشىن قاعاز تاسىمالداۋشىلاردان تولىق باس تارتا وتىرىپ، سيفرلىق تەحنولوگيالار قولدانىلاتىن بولادى. 

قوسىمشا Aitu Messenger وتاندىق ءموبيلدى قوسىمشاسى ارقىلى ساناقتان ءوتۋ مۇمكىندىگى بەرىلەتىن بولادى. رەسپوندەنتتەر حالىققا قىزمەت كورسەتۋ ورتالىقتارىندا، اكىمدىكتەردە، پوشتا بولىمشەلەرىندە، مەكتەپتەر مەن ساۋدا ورتالىقتارىندا ورنالاساتىن ارنايى ۇيىمداستىرىلعان نۇسقاۋلىق ۋچاسكەلەردە ساناقتان وتە الادى. 

ساناق جۇرگىزۋ كەزىندە 32 مىڭ ادام جۇمىسقا ورنالاستىرىلادى. ۇكىمەت باسشىسى الماتى جانە نۇر-سۇلتان قالالارى، قوستاناي جانە شىعىس قازاقستان وبلىستارى اكىمدىكتەرىنىڭ حالىق ساناعىنا دايىندىعى بويىنشا جۇمىسىنا وڭ باعا بەردى. 

«بۇل ءىس-شارانىڭ الەۋمەتتىك-ەكونوميكالىق ماڭىزى زور. ساناق ناتيجەسى بويىنشا مەيلىنشە ءدال دەرەكتەر بولىپ تابىلاتىن ءارى ەلدەگى احۋالدى تالداۋعا، بولجام جاساۋعا جانە ءتيىستى شەشىمدەر قابىلداۋعا نەگىز بولاتىن كوپتەگەن كورسەتكىشتەر الىنادى. سوندىقتان ەلىمىزدىڭ ءار ازاماتىنىڭ ساناققا قاتىسۋىنىڭ ماڭىزى وتە زور»، —  دەدى اسقار مامين.