جيھانكەز!
«بابالار ىزىمەن» ەكسپەديسياسىنىڭ توپ مۇشەلەرى باياناۋىل اۋدانىنداعى ەسكەلدى ەلدى مەكەنىنە جەتتى، دەپ حابارلايدى Almaty-akshamy.kz Qazaqtv.com-عا سىلتەمە جاساپ.
جيھانكەز ساپار ىسقاقوۆ باستاعان عالىمدار مەن جيھانكەزدەر ۇلى ويشىل ءارى اۋليەلىك قاسيەتىمەن دارالانعان ءماشھۇر ءجۇسىپ كەسەنەسىنە باردى.
«بۇل قازاقستانداعى قاسيەتتى جەرلەردىڭ ءبىرى دەپ ەسەپتەيمىن. كەزىندە ول كىسىنى قازاقتىڭ اقىندارى مەن وقىمىستىلارى پايعامبارعا تەڭەگەن. ول جايدان جاي ەمەس. ءماشھۇر ءجۇسىپ كۇللى قازاقتىڭ ۇمىتىلىپ كەتە جازداعان فولكلورىن جيناپ، قاعازعا ءتۇسىرىپ، بىزگە جەتكىزدى. ول كىسىنىڭ ەڭبەگىن وتە زور دەپ ايتۋعا بولادى»، - دەدى «بابالار ىزىمەن» ەكسپەديسياسىنىڭ جەتەكشىسى ساپار ىسقاقوۆ.