قتج تەمىرجول، اۆتو جانە تەڭىز كولىگىن تارتا وتىرىپ، مۋلتيمودالدى تاسىمالداۋدى ۇيىمداستىرادى
پرەمەر-مينيستر ءاليحان سمايىلوۆ مەملەكەت باسشىسىنىڭ تاپسىرماسى بويىنشا جۇزەگە اسىرىلىپ جاتقان «قازاقستان تەمىر جولى» ۇك» اق-نى ۇلتتىق ترانزيتتىك-لوگيستيكالىق كومپانياعا ترانسفورماسيالاۋ ماسەلەلەرى جونىندە كەڭەس وتكىزدى، دەپ حابارلايدى Almaty-akshamy.kz ۇكىمەتتىڭ رەسمي سايتىنا سىلتەمە جاساپ.
قتج باسقارما ءتوراعاسى نۇرلان ساۋرانبايەۆ كومپانيانىڭ لوگيستيكا سەگمەنتىندە، اتاپ ايتقاندا، حالىقارالىق ترانزيتتىك مارشرۋتتار مەن وڭىرلىك ساۋدا حابتارىن دامىتۋ جونىندەگى قىزمەتىن كەڭەيتەتىن ترانسفورماسيالاۋ جوسپارىن تانىستىردى.
قتج تەمىرجول، اۆتو جانە تەڭىز كولىگىن تارتا وتىرىپ، مۋلتيمودالدى تاسىمالداۋدى ۇيىمداستىرۋمەن، سونداي-اق تەرمينالدار جەلىسىن دامىتۋ ناتيجەسىندە شەتەلدە جۇكتەردى جيناقتاۋ ورىندارىندا لوگيستيكالىق قىزمەت كورسەتۋمەن اينالىساتىن بولادى.
بۇل ترانسۇلتتىق كولىك دالىزدەرىنىڭ دامۋىنا، جاڭا لوگيستيكالىق تىزبەكتەردىڭ قالىپتاسۋىنا سەرپىن بەرەدى جانە وتاندىق بيزنەس ءۇشىن قوسىمشا مۇمكىندىكتەر اشادى دەپ كۇتىلۋدە.
سونداي-اق كومپانيا ءوزىنىڭ نەگىزگى قىزمەتىنىڭ تيىمدىلىگىن جاقسارتۋ جونىندەگى جۇمىستى جالعاستىرادى.
پرەمەر-مينيستر قتج-نى ترانسفورماسيالاۋ تاسىلدەرىن ماقۇلداپ، قولدانىستاعى كوممەرسيالىق باعىتتارعا تالداۋ جۇرگىزۋدى جانە وڭىرلىك ساۋدا حابتارىن دامىتۋ ماسەلەسىن ەگجەي-تەگجەيلى پىسىقتاۋدى تاپسىردى.