1 560 جۇرگىزۋشى ماس كۇيىندە كولىك قۇرالىن باسقارعانى ءۇشىن ۇستالعان
2022 جىلدىڭ باسىنان بەرى مەگاپوليستە جول اپاتىنان 2 977 ادام زارداپ شەگىپ، 73 تۇرعىن قازا تاپتى، دەپ حابارلايدى Almaty-akshamy.kz قازاقپاراتقا سىلتەمە جاساپ.
«وسى جىلدىڭ 9 ايىندا الماتىدا 2 620 جول-كولىك وقيعاسى تىركەلىپ، ونىڭ سالدارىنان 2 977 ادام زارداپ شەكتى، تاعى 73 ادام قازا تاپتى. جىل باسىنان بەرى بارلىعى 952 622 جول قوزعالىسى ەرەجەسىن بۇزۋ دەرەگى انىقتالدى»، – دەدى الماتى قالالىق پد جەرگىلىكتى پوليسيا قىزمەتى باسقارماسىنىڭ باستىعى ەرجان ۇزابايەۆ.
سونىمەن قاتار، ول جىل باسىنان بەرى 1 560 جۇرگىزۋشى ماس كۇيىندە كولىك قۇرالىن باسقارعانى ءۇشىن ۇستالعانىن اتاپ ءوتتى.
«سوت شەشىمىمەن 2 352 ادام كولىك قۇرالىن باسقارۋ قۇقىعىنان ايىرىلدى. 1 476 كولىك جۇرگىزۋشىسى اكىمشىلىك قاماۋعا الىندى»،- دەدى پوليسيا وكىلى.