ۇكىمەتتە ءبىرقاتار ءىرى ينۆەستيسيالىق جوبالاردى ىسكە اسىرۋ بارىسى تالقىلاندى
ق ر پرەمەر-مينيسترى ءاليحان سمايىلوۆتىڭ توراعالىعىمەن ەكونوميكانى جاڭعىرتۋ ماسەلەلەرى جونىندەگى مەملەكەتتىك كوميسسيا وتىرىسىندا ءبىرقاتار ءىرى ينۆەستيسيالىق جوبالاردى ىسكە اسىرۋ جونىندەگى شارالار قارالدى.
قاتىسۋشىلار رەسپۋبليكانىڭ كولىك-ترانزيتتىك الەۋەتىن ەداۋىر ارتتىرۋعا مۇمكىندىك بەرەتىن جالپى ۇزىندىعى 270 شاقىرىم «باقتى-اياگوز» تەمىرجولىنىڭ قۇرىلىسىن، سونداي-اق فرانسۋز كومپانياسىمەن بىرلەسىپ، الماتى وبلىسىندا اگرو-پروسەسسينگ لوگيستيكالىق حابىن سالۋ ماسەلەلەرىن تالقىلادى. جاڭا پىسكەن جەمىستەر مەن كوكونىستەردى، ەت، بالىق جانە ءسۇت ونىمدەرىن ساتۋ بويىنشا زاماناۋي فورماتتاعى ءارتاراپتاندىرىلعان ورتالىقتى «G4 City» جوباسىن ىسكە اسىرۋ اياسىندا اشۋ جوسپارلانىپ وتىر.
سونىمەن قاتار وتىرىستا «قاشاعان» كەن ورنىندا جىلىنا كەمىندە 700 ملن تەكشە مەتر سۇيىتىلعان گاز وندىرە الاتىن گاز وڭدەۋ زاۋىتىن سالۋدىڭ وزەكتى ماسەلەلەرى تالقىلاندى.