قۇتىرما اۋرۋى قالاي جۇعادى؟

جىل سايىن 28 قىركۇيەكتە دۇنيەجۇزىلىك قۇتىرماعا قارسى كۇرەس كۇنى اتاپ وتىلەدى.

قۇتىرما - بۇل ادامدار مەن جانۋارلاردىڭ اسا ءقاۋىپتى، ولىمگە اكەلەتىن ينفەكسيالىق  اۋرۋى، دەپ حابارلايدى almaty-akshamy.kz

ادام جابايى جانە ءۇي جانۋارلارىنىڭ (جابايى، قاڭعىباس جانە ءۇي جىرتقىشتارى)، سونداي-اق جارقاناتتاردىڭ  سىلەكەيىمەن نەمەسە جانۋارلاردىڭ سەكرەسيالارىمەن، شىرىشتى قاباتتارىمەن جانە تىستەۋمەن قۇتىرمانى جۇقتىرۋى (بارلىق جانۋارلار اۋىرۋى مۇمكىن) مۇمكىن.

قۇتىرما اۋرۋىنىڭ بەلگىلەرى: دەنە تەمپەراتۋراسىنىڭ جوعارىلاۋى، دەپرەسسيا، ۇيقىسىزدىق، مازاسىزدىق، تىستەگەن جەردەگى اۋىرسىنۋ (جانە ۇزاق ۋاقىت بويى تىرتىقتار)، شۋدان، جارىقتان تىتىركەنۋ، اياق-قول بۇلشىقەتتەرىنىڭ قۇرىسۋى، سۋدان قورقۋ، ساندىراق، قورقىنىش سەزىمى، گالليۋسيناسيا، اۋا قوزعالىسىنان قورقۋ، سىلەكەي ءبولىنۋدىڭ ارتۋى، تۇنشىعۋ جانە تىنىس الۋ بۇلشىقەتتەرىنىڭ ءپاراليچى.

نەگىزگى ەسكەرتۋ شارالارى:

- ءۇي جانۋارلارىنىڭ قۇتىرماسىنا قارسى ۆاكسيناسيالاۋ جاساڭىز، ەگەر جانۋاردىڭ مىنەزىندە وعاشتىق بايقالسا، ۆەتەرينارعا حابارلاڭىز؛
– جانۋار تىستەگەن كەزدە (كوبىنەسە يت)، ەڭ الدىمەن، سابىننىڭ كوپ كونسەنتراسياسى بار سۋمەن تىستەگەن جانە سىلەكەي ايماعىن بارىنشا جۋىڭىز؛
- دەرەۋ مەديسينالىق مەكەمەگە حابارلاسىڭىز، ويتكەنى زارداپ شەككەن ادامدى قۇتىرمادان قۇتقارۋدىڭ جالعىز جولى – ۋاقتىلى ۆاكسيناسيالاۋ.

وزىڭىزگە جانە جاقىندارىڭىزعا قامقورلىق جاساڭىز!