ۇكىمەتتە ق ر پرەمەر-مينيسترى ءاليحان سمايىلوۆتىڭ توراعالىعىمەن وتكەن كەڭەستە الماتى وبلىسىندا «G4 City» جوباسىن ىسكە اسىرۋ ماسەلەلەرى تالقىلاندى.
كەڭەستە حالىقارالىق بيزنەستى دامىتۋ ورتالىعىن قۇرۋ، ينۆەستيسيالار تارتۋ، ينفراقۇرىلىم جۇرگىزۋ، ىسكەرلىك قىزمەت نىساندارىن سالۋ جونىندەگى شارالار، سونداي-اق ءبىرقاتار ۇيىمداستىرۋ ماسەلەسى قارالدى.
جۇرگىزىلىپ جاتقان جۇمىستار تۋرالى ۇلتتىق ەكونوميكا ءمينيسترى الىبەك قۋانتىروۆ پەن الماتى وبلىسىنىڭ اكىمى مارات سۇلتانعازييەۆ بايانداما جاسادى.
تالقىلاۋ قورىتىندىسى بويىنشا پرەمەر-مينيستر ۋاكىلەتتى مەملەكەتتىك ورگانعا ءبىرقاتار تاپسىرما بەردى.
ەسكە سالا كەتەيىك، تۇجىرىمداماعا سايكەس الماتى جانە قونايەۆ قالالارىنىڭ ارالىعىنداعى ينتەگراسيالانعان G4 City قالاسى ءتورت اۋداننان تۇراتىن بولادى: Gate – ىسكەرلىك جانە قارجىلىق ورتالىق، Golden – ءبىلىم بەرۋ جانە مەديسينا سالالارى بويىنشا حابتار، Growing – ونەركاسىپتىك جانە لوگيستيكالىق حابتار، Green – تۋريستىك كلاستەر.
بيىل كوكتەمدە الماتى وبلىسىندا 2048 جىلعا دەيىن جالپى اۋدانى 30 مىڭ گا بولاتىن «G4 City» ارنايى ەكونوميكالىق ايماعى قۇرىلدى. بۇل ينتەگراسيالانعان قالانى قۇرۋعا وتاندىق جانە شەتەلدىك ينۆەستيسيالاردى تارتۋ ءۇشىن قولايلى كليماتتى قامتاماسىز ەتەدى.