مەملەكەت باسشىسىنىڭ تاپسىرمالارىن ورىنداۋ اياسىندا ق ر پرەمەر-مينيسترىنىڭ ورىنباسارى – قارجى ءمينيسترى ەرۇلان جاماۋبايەۆتىڭ توراعالىعىمەن وتكەن كەڭەستە جاڭا بيۋدجەت كودەكسىن ازىرلەۋ بارىسى تالقىلاندى، دەپ حابارلايدى اlmaty-akshamy.kz nege.kz-كە سىلتەمە جاساپ.
14 جىل ىشىندە بيۋدجەت كودەكسىنە 176 تۇزەتۋ نەمەسە ورتا ەسەپپەن جىلىنا 12 تۇزەتۋ ەنگىزىلگەن. ول ناتيجەگە جانە جاڭا بيۋدجەت ساياساتىنا باعدارلانعان مەملەكەتتىك جوسپارلاۋ جۇيەسىن ەنگىزۋ جونىندەگى تۇجىرىمدامانىڭ ەرەجەلەرىنە نەگىزدەلگەن.
جوبا اياسىندا بيۋدجەتتىك ءوتىنىم مەن باعدارلامالاردى ءبىرىڭعاي جوسپارلاۋ قۇجاتىنا بىرىكتىرۋ ارقىلى بيۋدجەت پروسەسىنىڭ مەرزىمدەرى مەن كەزەڭدەرىن ەكى ەسە قىسقارتۋ ۇسىنىلادى.
سونىمەن قاتار بيۋدجەت پروسەستەرىن تۇبەگەيلى جەڭىلدەتۋ، سالالىق بيۋدجەت ەلەمەنتتەرى ارقىلى بيۋدجەت قاراجاتىن جوسپارلاۋ مەن پايدالانۋ تيىمدىلىگىن ارتتىرۋ، ناتيجەلەردى باسقارۋدىڭ جاڭا قۇرالدارىن ەنگىزۋ بويىنشا شارالار قابىلداناتىن بولادى.