6 باعىت جانە 16 ءپان بويىنشا جاڭا تيپتىك وقۋ باعدارلامالارى ازىرلەندى.
بۇل تۋرالى وقۋ-اعارتۋ مينيسترلىگىنىڭ باسپا ءسوز قىزمەتىنە سىلتەمە جاساپ اlmaty-akshamy.kz حابارلايدى.
ولاردىڭ قاتارىندا پەداگوگيكالىق، الەۋمەتتىك-ەكونوميكالىق، تەحنيكالىق-تەحنولوگيالىق، كوركەمدىك-تەحنولوگيالىق، اگرارلىق-تەحنولوگيالىق، قوعامدىق-گۋمانيتارلىق باعىتتار بار.
اقپاراتقا سايكەس، جاڭا ۇلگىلىك وقۋ باعدارلامالارىندا جۇمىس بەرۋشى تالاپتارى مەن ءوڭىر ەرەكشەلىكتەرى ەسكەرىلمەك. ساعات سانى مەن تاقىرىپتاردىڭ مازمۇنىن 25%-عا دەيىن وزگەرتۋ كوزدەلگەن.
ەندى پاندەر كوللەدج ستۋدەنتتەرى تاڭداعان ماماندىققا باعدارلانعان پراكتيكالىق ساباقتا وقىتىلادى.
«جالپى ءبىلىم بەرەتىن پاندەردىڭ وقۋ باعدارلامالارىندا ءبىلىم الۋشىلاردىڭ ىنتاسىن، قىزىعۋشىلىعىن ارتتىرۋعا مۇمكىندىك بەرەتىن بەيىندىك باعىت ەسكەرىلەدى. ول ماماندىققا قاتىستى كاسىبي-تانىمدىق قىزىعۋشىلىقتىڭ دامۋىنا ىقپال ەتەدى»، - دەدى تەحنيكالىق جانە كاسىپتىك ءبىلىم دەپارتامەنتىنىڭ ديرەكتورى ەرنات ءجۇنىسوۆ.