پرەمەر-مينيستردىڭ ءبىرىنشى ورىنباسارى رومان سكلياردىڭ توراعالىعىمەن وتكەن ارنايى ۇكىمەتتىك كوميسسيانىڭ وتىرىسىندا الماتى، جامبىل، اتىراۋ، قىزىلوردا جانە تۇركىستان وبلىستارىنىڭ سۋ تاسقىنى كەزەڭىنەن وتۋگە دايىندىعى قارالدى.
ۇكىمەتتىك كوميسسيا پرەمەر-مينيستردىڭ وكىمىمەن قۇرىلعان بولاتىن. بۇل تۋرالى Almaty-akshamy.kz رrimeminister.kz-كە سىلتەمە جاساپ.
تالقىلاۋعا وڭىرلەر اكىمدىكتەرىنىڭ، توتەنشە جاعدايلار، يندۋستريا جانە ينفراقۇرىلىمدىق دامۋ، ەكولوگيا جانە تابيعي رەسۋرستار، اقپارات جانە قوعامدىق دامۋ مينيسترلىكتەرىنىڭ وكىلدەرى قاتىستى.
كەڭەس قورىتىندىسى بويىنشا وڭىرلەردىڭ اكىمدەرىنە بارلىق قاجەتتى قىزمەتتەر مەن ۇيىمداردى جۇمىلدىرىپ، سۋ تاسقىنى كەزەڭىنەن ءتيىمدى ءوتۋ ءۇشىن ارنايى تەحنيكا مەن ماتەريالدار دايىنداۋ، سونداي-اق اپاتتىق قىزمەتتەردىڭ ءىس-قيمىلدارىن ءتيىستى ۇيلەستىرۋدى ۇيىمداستىرۋ تاپسىرىلدى.
سونىمەن قاتار ەكولوگيا جانە تابيعي رەسۋرستار مينيسترلىگى سىرداريا جانە ىلە وزەندەرىنىڭ ارنالارىندا تاسقىن سۋلاردى ءقاۋىپسىز وتكىزۋدى ۇيلەستىرۋمەن اينالىسادى، سۋ قويمالارىن، ونىڭ ىشىندە كوكساراي، كۇرتى، بارتوعاي، بەستوبە، قىزىلاعاش، الماتى، اششىبۇلاق، اقەشكى مەن باسقا دا سۋ قويمالارىن تولتىرۋدىڭ رۇقسات ەتىلگەن كولەمىن بەلگىلەيدى جانە ولارعا ءتيىستى باقىلاۋ جۇرگىزەدى.
سونداي-اق سىرداريا وزەنىندە مۇزدىقتاردىڭ ىركىلۋىن ازايتۋ ءۇشىن جارىلىس جۇمىستارى جۇرگىزىلەتىن بولادى، ال شەكارالاس مەملەكەتتەرمەن ترانسشەكارالىق وزەندەردەگى سۋ شىعىنى تۋرالى تۇراقتى ءوزارا اقپارات الماسۋ ۇيىمداستىرىلادى.