«قازاقستان زاڭگەرلەر وداعى» رەسپۋبليكالىق قوعامدىق بىرلەستىگىنىڭ «ادال سايلاۋ ءۇشىن» شتابى جۇمىسىن جانداندىردى.
زاڭگەرلەر الداعى ۋاقىتتا حالىققا سايلاۋ زاڭناماسىنىڭ نەگىزگى ەرەجەلەرىن تۇسىندىرەدى. ساياسي ناۋقانعا قاتىسۋشىلارعا قۇقىقتىق كومەك كورسەتىپ، ازاماتتىق قوعام مەن حالىقارالىق ۇيىم وكىلدەرىمەن بىرلەسە جۇمىس ىستەيدى. ايتا كەتەيىك، «ادال سايلاۋ ءۇشىن» شتابى وتكەن جىلدىڭ قىركۇيەك ايىندا قۇرىلعان بولاتىن.
«ءبىز وسى سايلاۋ زاڭىن رەسپۋبليكانىڭ بۇكىل وڭىرلەرىندە تۇسىندىرەمىز. ب ا ق ارقىلى، تىكەلەي كەزدەسۋ ارقىلى، كوبىسى جوو-دا، اۋىلدارعا دەيىن شىعىپ ءبىز وسىنداي زاڭدى ءتۇسىندىرۋ اينالىسامىز. سەبەبى زاڭدى بىلمەي، سايلاۋعا بارۋدىڭ ءوزى دۇرىس ەمەس سياقتى. ورتالىقتا 7 شتاب مۇشەسى جۇمىس ىستەيدى، ءار وڭىردە زاڭگەرلەردەن پۋل قۇرعانبىز»، - دەيدى «قازاقستان زاڭگەرلەر وداعى» رقب ءتوراعاسى سەرىك اقىلباي.