تجم بۇگىن وسىنداي اقپاراتتى جاريا ەتتى.
تج جونىندەگى ءبىرىنشى ۆيسە-مينيستر يبراگيم كۇلشىمبايەۆتىڭ ايتۋىنشا، Tau Go سمارت-ناۆيگاتورى ءموبيلدى قوسىمشاسىن ىسكە قوسۋ بويىنشا جۇمىس جۇرگىزىلىپ جاتىر، دەپ حابارلايدى Almaty-akshamy.kz
«تۋريستىك ناۆيگاسيانىڭ ءبىرىڭعاي جۇيەسىن قۇرۋ جانە توتەنشە جاعدايلار دەپارتامەنتتەرىنىڭ بازاسىمەن ينتەگراسيالاناتىن تاۋعا شىعاتىن اۋەسقويلار ءۇشىن Tau Go سمارت-ناۆيگاتورى ءموبيلدى قوسىمشاسىن ىسكە قوسۋ بويىنشا جۇمىس جۇرگىزىلۋدە. وفلاين رەجيمدە جۇمىس ىستەيتىن 2 گيس جۇيەسىن بايلانىستىرا وتىرىپ، تاۋلى جەرلەردە تۋريستىك مارشرۋتتاردى سيفرلاندىرۋ بويىنشا جۇمىس قولعا الىندى. تۋريستەردىڭ ءجۇرۋ مارشرۋتتارىندا قاۋىپسىزدىك شارالارىن ساقتاۋ جانە شۇعىل قىزمەتتەردىڭ تەلەفوندارى كورسەتىلگەن اقپاراتتىق قالقاندار ورناتىلادى. تاۋلاردا تۋريستەردىڭ قاۋىپسىزدىگىن قامتاماسىز ەتۋ ءۇشىن الماتى قالاسىنىڭ تاۋلى جەرلەرىنىڭ جەكەلەگەن ۋچاسكەلەرىندە 15 ۇيشىك سالىندى، وندا تۋريستەرگە كۇتۋ جانە العاشقى كومەك اپاتتىق جيناعىن الۋعا جاعداي جاسالىنعان. ۇيشىكتەردىڭ جانىندا "SOS" سپۋتنيكتىك سيگنالدى قۇتقارۋ قىزمەتىنىڭ "112" جانە "109" پۋلتتەرىنە بەرۋ ءۇشىن دابىل تۇيمەلەرى ورناتىلعان»، - دەدى سپيكەر.
سونىمەن قاتار ي.كۇلشىمبايەۆتىڭ ايتۋىنشا، بارلىق ەسكەرتۋ شارالارىنا قاراماستان، ازاماتتار اۋا رايى جاعدايلارىنا جانە مارشرۋتتىڭ قيىندىعىنا نەمقۇرايلى قارايدى، وسىلايشا ءوز ومىرلەرى مەن جاقىندارىنا ءقاۋىپ توندىرەدى.
بيىل قىستا قۇتقارۋ بولىمشەلەرى تاۋلى جەرلەرگە ساياحاتقا شىققان، ۇيگە قايتۋ ءۇشىن قوزعالىس باعىتىن ءوز بەتىنشە انىقتاي الماعان 147 ءتۋريستى ىزدەۋ بويىنشا 14 ىزدەستىرۋ-قۇتقارۋ جۇمىستارىن جۇرگىزگەن.