2024 جىلدان باستاپ كرەاتيۆتى يندۋستريالارعا قاتىستى كاسىپكەرلىك قىزمەتتىڭ 40 ءتۇرى بولشەك ساۋدا سالىعى بويىنشا ارنايى سالىق رەجيمى اياسىندا جۇمىس ىستەي باستايدى، دەپ حابارلايدى almaty-akshamy.kz ق ر مادەنيەت جانە اقپارات مينيسترلىگىنىڭ باسپا ءسوز قىزمەتىنە سىلتەمە جاساپ.
مۇنداي وزگەرىستەر مەملەكەت باسشىسىنىڭ تاپسىرماسى اياسىندا مادەنيەت جانە اقپارات مينيسترلىگى مەن ۇلتتىق ەكونوميكا جانە قارجى مينيسترلىگى بىرلەسىپ كرەاتيۆتى يندۋستريالاردى قولداۋ شارالارىنىڭ جەكەلەگەن پاكەتىن ازىرلەۋ شەڭبەرىندە ۇكىمەتتىڭ قاۋلىسىنا ەنگىزىلدى.
وزگەرىستەردىڭ ارقاسىندا كاسىپكەرلەر كورپوراتيۆتىك تابىس سالىعىن، جەكە تابىس سالىعىن جانە قوسىلعان قۇن سالىعىن تولەۋدەن بوساتىلادى. ونىڭ ورنىنا جەكە كاسىپكەرلەر ءۇشىن 2% - دان 4% - عا دەيىنگى، سونداي-اق ج ش س ءۇشىن 8% مولشەرىندە ءبىرىڭعاي سالىق ەنگىزىلەتىن بولادى.
ايتا كەتۋ كەرەك، كرەاتيۆتى يندۋستريالار سالاسىندا جۇمىسپەن قامتىلعاندار سانى قازىرگى تاڭدا شامامەن 133،2 مىڭ ادامدى قۇرايدى.
ق ر مادەنيەت جانە اقپارات مينيسترلىگى وسى سالا وكىلدەرىمەن تۇراقتى تۇردە كەزدەسۋلەر وتكىزىپ تۇرادى.
ينستيتۋسيونالدىق ينفراقۇرىلىمدى، كرەاتيۆتى يندۋستريالاردى قولداۋدىڭ ارنايى قورىن قۇرۋدىڭ نەگىزگى تاسىلدەرىن، كرەاتيۆتى يندۋستريالارمەن جۇمىس ىستەۋدە مەملەكەتتىك مەنشىكتى پايدالانۋ تەتىكتەرىن تالقىلاۋ ءقازىر ەرەكشە وزەكتى بولىپ وتىر.