قازاقستان رەسپۋبليكاسى كولىك ۆيسە-مينيسترى تالعات لاستايەۆتىڭ رۋمىنيانىڭ قازاقستان رەسپۋبليكاسىنداعى توتەنشە جانە وكىلەتتى ەلشىسى مادالينا لۋپۋمەن كەزدەسۋى ءوتتى.
كەزدەسۋدە كولىك، لوگيستيكا جانە اۆياسيا سالاسىنداعى ەكىجاقتى ىنتىماقتاستىق ماسەلەلەرى، سونداي-اق كولىك ءمينيسترى مارات قارابايەۆتىڭ رۋمىنياعا الداعى ساپارى تالقىلاندى.
قازاقستاندىق تاراپ الداعى ساپار اياسىندا رۋمىنيامەن ترانسكاسپيي حالىقارالىق كولىك باعىتى اياسىندا ىنتىماقتاستىقتى دامىتۋ جونىندەگى ءوزارا تۇسىنىستىك تۋرالى مەموراندۋمعا قول قويۋ ماسەلەسى پىسىقتالىپ جاتقانىن اتاپ ءوتتى، دەپ حابارلايدى Almaty-akshamy.kz كولىك مينيسترلىگىنە سىلتەمە جاساپ.
سونىمەن بىرگە، ۆيسە-مينيستر رۋمىنيانىڭ تحكب اياسىنداعى ءرولىنىڭ ماڭىزدىلىعىن، سونداي-اق ەكى ەل كومپانيالارىنىڭ بەلسەندى قاتىسۋىن جانە جۇك تاسىمالداۋشىلار اراسىنداعى جاقسى جولعا قويىلعان بايلانىستارى تۋرالى جەتكىزدى.
اتاپ ايتقاندا، تاراپتار ەۋروپامەن كولىك بايلانىسىن جاقسارتۋ ماقساتىندا ءوزارا ىنتىماقتاستىق پەن تحكب دامىتۋ ماسەلەلەرىن تالقىلادى.
سونداي-اق، قازاقستاندىق تاراپ 2024 جىلدىڭ ءبىرىنشى جارتىجىلدىعىندا رۋمىنيادا حالىقارالىق اۆتوموبيل تاسىمالدارى بويىنشا بىرلەسكەن كوميسسيانىڭ ءبىرىنشى وتىرىسىن وتكىزۋدى ۇسىندى.
ەلشى قابىلداۋ ءۇشىن العىس ايتىپ، ەكى ەلدىڭ تحكب اياسىنداعى ىنتىماقتاستىعى قازاقستان مەن رۋمىنيا اراسىنداعى ءوزارا ءتيىمدى قارىم-قاتىناستاردىڭ كىلتى بولىپ تابىلاتىنىن اتاپ ءوتتى.
كەزدەسۋ سوڭىندا تاراپتار كولىك سالاسىنداعى ودان ءارى جەمىستى ىنتىماقتاستىققا سەنىم ءبىلدىردى جانە وتكەن ىسكەرلىك اڭگىمە ءۇشىن العىس ايتتى.