2023 جىلعى 22 جەلتوقساندا الماتى قالاسىنداعى «قالالىق ۆەتەريناريالىق قىزمەت» شجق كمك ءۇشىن بورتتىق پلاتفورماسى بار 12 جەڭىل جۇك كولىگى، 2 تريسيكل، تراكتور، اۋلاۋ قىزمەتىنىڭ جۇمىسشىلارىن تاسىمالداۋعا ارنالعان جولاۋشىلار اۆتوبۋسى جانە جەڭىل اۆتوكولىك ساتىپ الىندى، دەپ حابارلايدى almaty-akshamy.kz
قازىرگى ۋاقىتتا اۋلاۋ قىزمەتىنە 6 اۆتوكولىك جۇمىلدىرىلعان، ونىڭ ىشىندە 2022 جىلى ساتىپ الىنعان 3 JAC ماركالى ارنايى ماشينا جانە 2013 جىلعى 3 Hyundai Porter ماركاسى.
قاڭعىباس جانۋارلاردى اۋلاۋعا ارنالعان ماشينالار قالانىڭ بارلىق اۋداندارىنا تاراتىلادى. بەكىتىلگەن بريگادالار اۋداندىق اكىمدىكتەرمەن جاسالعان مەموراندۋمعا سايكەس كەلىپ تۇسكەن وتىنىمدەردى پىسىقتايتىن بولادى.