پرەمەر-مينيستر ولجاس بەكتەنوۆتىڭ توراعالىعىمەن وتكەن ۇكىمەت وتىرىسىندا ەلىمىزدىڭ سالىق زاڭناماسىنا جاڭا تۇزەتۋلەر ۇسىنىلدى.
پرەمەر-مينيستردىڭ ورىنباسارى – ۇلتتىق ەكونوميكا ءمينيسترى سەرىك جۇمانعارين ققس مولشەرلەمەسىن سالالار بويىنشا سارالاۋمەن 12%-دان 16%-عا دەيىن ۇلعايتۋ، ارناۋلى سالىق رەجيمدەرىن رەفورمالاۋ، ققس بويىنشا مىندەتتى تىركەۋ ەسەبىنە قويۋ ءۇشىن شەكتى 80 ملن تەڭگەدەن 15 ملن تەڭگەگە دەيىن تومەندەتۋ ۇسىنىلىپ وتىرعانىن ايتتى. سونداي-اق دەنساۋلىق ساقتاۋ سالاسى ءۇشىن 10% تومەندەتىلگەن مولشەرلەمە ۇسىنىلادى، دەپ حابارلايدى aqshamnews.kz.
اۋىل شارۋاشىلىعى تاۋارىن ءوندىرۋشى زاڭدى تۇلعالار بيۋدجەتكە تولەۋگە ءتيىستى ققس-نىڭ 30%-ىن تولەيتىن. ەندى ولار تولەمەيتىن بولادى.
بۇگىننەن باستاپ وڭىرلەردەگى بيزنەس-قوعامداستىقپەن ۇكىمەتتىڭ باستامالارىن تالقىلايتىن التى جۇمىس توبىنىڭ جۇمىسى باستالادى. قازىرگى ۋاقىتتا توپتار وڭىرلەرگە شىعىپ، جەرگىلىكتى جەرلەردە بيزنەسپەن كەزدەسۋلەر وتكىزۋدە.
جاڭا سالىق كودەكسىنىڭ جوباسىنا تۇزەتۋلەردى وسى جىلدىڭ 20 اقپانىنا دەيىن ماجىلىسكە ەنگىزۋ جوسپارلانۋدا.