G4 City جاڭا جىبەك جولىنىڭ بويىندا ورنالاسادى.
پرەمەر-مينيستردىڭ ورىنباسارى – قارجى ءمينيسترى ەرۇلان جاماۋبايەۆتىڭ توراعالىعىمەن، مەملەكەتتىك ورگاندار مەن ۇيىم وكىلدەرىنىڭ قاتىسۋىمەن وتكەن كەڭەستە G4 City جوباسىن ودان ءارى ىسكە اسىرۋ ماسەلەسى تالقىلاندى، دەپ حابارلايدى Almaty-akshamy.kz. بۇل تۋرالى ۇكىمەتتىڭ باسپا ءسوز قىزمەتى ءمالىم ەتتى.
«استانا» حالىقارالىق قارجى ورتالىعىنىڭ اكىمشىلىگى» اق اتقارۋشى ديرەكتورى نۇرلان تويىمبەك G4 City جوباسى ءۇشىن قىزمەتتىڭ قاجەتتى سالالارداعى قاتىناستاردى رەتتەيتىن وزىندىك اكتىلەردىڭ بەلگىلى ءبىر سانىن ازىرلەۋ قاجەت بولاتىنىن ايتتى. بۇل رەتتە جوسپارلاۋ ساتىسىندا G4 City اكتىلەرىمەن رەتتەلەتىن سالالاردى الدىن الا انىقتاۋ ماڭىزدى. قالعاندارى ق ر زاڭناماسىمەن رەتتەلەدى.
سونداي-اق ن.تويىمبەك قازاقستاندا شەتەلدىك جۇمىس كۇشىن حالىقتى جۇمىسپەن قامتۋ ماسەلەسى جونىندەگى ۋاكىلەتتى ورگان بەلگىلەگەن جانە بولەتىن كۆوتا شەگىندە ءتيىستى اكىمشىلىك-اۋماقتىق بىرلىكتەردىڭ جەرگىلىكتى اتقارۋشى ورگاندارى بەرەتىن رۇقساتتار نەگىزىندە جۇمىس بەرۋشىلەر تارتاتىنىن اتاپ ءوتتى. شجك-نى تارتۋ ماسەلەلەرىن رەتتەيتىن نەگىزگى نورمالار «حالىقتى جۇمىسپەن قامتۋ تۋرالى» جانە «حالىقتىڭ كوشى-قونى تۋرالى» ق ر زاڭدارىندا قاراستىرىلعان. بۇل رەتتە جەكەلەگەن راسىمدەر زاڭعا تاۋەلدى ءبىرقاتار اكتىمەن رەتتەلەدى.
G4 City جوباسىن جۇزەگە اسىرۋداعى نەگىزگى ماقسات – قوعامنىڭ الەۋمەتتىك قۇرىلىمىن ساپالى وزگەرتۋ، دەنى ساۋ، بەلسەندى، ءبىلىمدى ازاماتتاردىڭ جاڭا بۋىنىن قالىپتاستىرۋ. بۇل ەڭ الدىمەن حالىقتىڭ ءومىر ءسۇرۋ ساپاسىن ەداۋىر ارتتىرۋ، ەلدەگى دەموگرافيالىق جاعدايدى جاقسارتۋ، ادامي كاپيتالدىڭ جانە ەلىمىزدىڭ سەرپىندى دامۋىنا جاعداي جاساۋ.
G4 City قالاسى جاڭا جىبەك جولىنىڭ بويىندا ورنالاسقان جاڭا ەكونوميكالىق جانە جاھاندىق تۋريستىك ورتالىققا اينالادى دەپ كۇتىلۋدە. دامۋدىڭ اۋقىمدى پەرسپەكتيۆالارىن ەسكەرە وتىرىپ، G4 City 2،2 ملن-نان استام تۇرعىنى بار ينتەگراسيالانعان قالا رەتىندە دامىپ، G4 City 2050 جىلعا قاراي 1،1 ملن-نان استام جۇمىس ورنىن قامتاماسىز ەتەدى دەگەن بولجام بار.
كەڭەس قورىتىندىسى بويىنشا، ەرۇلان جاماۋبايەۆ مەملەكەتتىك ورگاندار مەن ۇيىمدارعا ءتيىستى ءبىرقاتار تاپسىرما بەردى.