الماتى پوليسيا دەپارتامەنتى 11 شىلدەدە ەسىرتكىنى ءوندىرىپ، تاراتقان دەگەن كۇدىكپەن ءۇش جاس ازاماتتىڭ ۇستالعانىن حابارلادى. ىسكە قاتىسى بار باستى تۇلعانىڭ كولىگىن ءتارتىپ ساقشىلارى جاندوسوۆ كوشەسىنەن تاپتى، -دەپ جازدى Zakon.kz.
«1993 جىلى تۋعان ازاماتتىڭ كولىگىنەن كريستالدانعان زات سالىنعان سومكە تابىلدى. ونىڭ وزىنە ءتان ءيىسى بار. ۇستالعان ادام تاركىلەنگەن زاتتىڭ مەفەدرون ەكەنىن ايتتى. ەر ادامنىڭ ايتۋىنشا، ول دارى-دارمەكتى دوستارىمەن بىرگە سينتەتيكالىق ەسىرتكى ءوندىرۋ ءۇشىن وزدەرى ۇيىمداستىرعان ەكسپرومتتىق زەرتحانادا جاساعان»، - دەدى الماتى قالالىق ءىىد باستىعىنىڭ ورىنباسارى ديدار احانوۆ.
ەسىرتكى زەرتحاناسىن پوليسەيلەر الماتى وبلىسى ىلە اۋدانىنداعى جالدامالى ۇيدەن تاپتى. ءتىنتۋ كەزىندە ولار زەرتحانالىق قۇرال-جابدىقتاردى، شيكىزات پەن ساتۋعا دايىن دارى-دارمەكتەردى تاپتى. قۇقىق قورعاۋ ورگاندارىنىڭ مالىمەتىنشە، قىلمىستىق توپ مۇشەلەرى ەسىرتكىنى وزدەرى ءوندىرىپ، وزدەرى تاراتقان. جەدەل دەرەكتەرگە سايكەس، «وندىرۋشىلەر» ەسىرتكىنى وزدەرى تاراتقان، جارناما بەلگىلەرىن جاساعان. ءىس بويىنشا نەگىزگى ايىپتالۋشىدان بولەك، 1994 جانە 1995 جىلى تۋعان تاعى ەكى جىگىت كۇدىكتى بولىپ وتىر.
كۇدىكتىلەر قاماۋعا الىندى. قىلمىستىق ءىستى بوستاندىق اۋدانى ق ر قىلمىستىق كودەكسiءنىڭ 297-بابى بويىنشا تەرگەپ جاتىر. سوت-حيميالىق ساراپتاما تاعايىندالدى. باسقا مالىمەتتەر ق ر قىلمىستىق ءىس جۇرگىزۋ كودەكسىنىڭ 201-بابىنا سايكەس پوليسياعا بەرىلمەيدى.
بۇعان دەيىن الماتىنىڭ مەدەۋ سوتى ينتەرنەت ارقىلى جۇمىس ىزدەپ، سينتەتيكالىق ەسىرتكى تاراتۋعا كەلىسكەن جاس جىگىتكە قاتىستى ۇكىم شىعارعان ەدى.