جاڭا سالىق كودەكسىنىڭ جوباسىندا قوسىمشا قۇن سالىعىنىڭ شەگى 40 ميلليون تەڭگەنى قۇرايدى.
بۇل تۋرالى ءماجىلىستىڭ جالپى وتىرىسىندا پرەمەر-مينيستردىڭ ورىنباسارى – ۇلتتىق ەكونوميكا ءمينيسترى سەرىك جۇمانعارين ءمالىم ەتتى، دەپ حابارلايدى aqshamnews.kz.
ءبىرىنشى، قوسىلعان قۇن سالىعى 16 پروسەنت بولادى. ەكىنشى، قوسىلعان قۇن سالىعىنىڭ شەگى 40 ملن تەڭگە مولشەرىندە بەلگىلەنەدى. 40 ملن تەڭگە دەگەن ورتاق بايلام بولدى. ۇكىمەت پەن دەپۋتاتتاردىڭ كونسترۋكتيۆتى ۇستانىمىنىڭ ارقاسىندا وسىنداي ىمىراعا قول جەتكىزدىك. ءبىراق مۇنداي شەك بولعاندا 160 مىڭ سالىق تولەۋشىدەن ايىرىلاتىنىمىزدى ايتقىم كەلەدى. سونداي شامامەن 400 ملرد تەڭگەدەي قوسىمشا بيۋدجەت تۇسىمىنەن قاعىلامىز. ءبىزدىڭ بيزنەسمەندەر ۇكىمەت تە، پارلامەنت تە وسىنداي ىمىراعا بارۋعا دايىن ەكەنىن ءتۇسىنسىن دەپ ايتىپ تۇرمىن، - دەدى سەرىك جۇمانعارين.