پرەمەر-مينيستر ءاليحان سمايىلوۆ بارشا قازاقستاندىقتاردى ناۋرىز مەيرامىمەن قۇتتىقتاد، دەپ حابارلايدى Almaty-akshamy.kz. primeminister.kz سايتىنا سىلتەمە جاساپ.
«سىزدەردى ۇلىستىڭ ۇلى كۇنى – ناۋرىز مەيرامىمەن شىن جۇرەكتەن قۇتتىقتايمىن! تابيعاتتى تۇلەتىپ، تىرشىلىك اتاۋلىعا جان بىتىرگەن ءاز-ناۋرىز – ەڭسەسى بيىك ەلدىگىمىزدىڭ، بەرەكە-بىرلىگىمىزدىڭ مەرەكەسى. ۇلتىمىزدىڭ تاريحي تامىرىمەن، قيلى تاعدىرىمەن بىرگە جاساپ كەلە جاتقان ۇلىق مەرەكە بۇگىندە بۇكىل ادامزات بالاسىن بەيبىتشىلىككە، ىزگىلىككە ۇندەيتىن رۋحاني قۇندىلىعىمىزعا اينالدى. تاۋەلسىزدىك تاريحىندا اسا كۇردەلى كەزەڭدى باستان كەشىرگەن حالقىمىز ءۇشىن جاڭارعان جىل باستاۋى يگى جاقسىلىقتاردىڭ جارشىسى، ىرگەلى ىستەردىڭ جالعاسى بولسىن»، - دەپ اتاپ ءوتتى ۇكىمەت باسشىسى.
سونىمەن قاتار ول ەلىمىزدىڭ جاڭا دامۋ كەزەڭىنە بەت العانىن العا تارتتى.
«جاڭا دامۋ كەزەڭىنە بەت العان ەگەمەن ەلىمىزدىڭ قۋاتى ارتا بەرسىن. كورىكتى كوكتەم مەرەكەسى شاڭىراقتارىڭىزعا شاتتىق، كوڭىلدەرىڭىزگە قۋانىش سىيلاسىن. بارشاڭىزعا زور دەنساۋلىق، وتباسىلارىڭىزعا باقىت، ەڭبەكتەرىڭىزگە تابىس تىلەيمىن. ۇلىس وڭ، اق مول بولسىن!»، – دەدى ءاليحان سمايىلوۆ.