قاسىم-جومارت توقايەۆ الماتىداعى حالىقارالىق ۇستەل تەننيسى فەدەراسياسىنىڭ بارلىق تالابىنا ساي كەلەتىن جاڭا ۇستەل تەننيسى ورتالىعىن ارالاپ كوردى، دەپ حابارلايدى Almaty-akshamy.kz اقورداعا سىلتەمە جاساپ.
پرەزيدەنتكە سپورت كەشەنىنىڭ ينفراقۇرىلىمى تانىستىرىلدى. سونداي-اق مەملەكەت باسشىسى جاس سپورتشى قىزبەن تەننيس وينادى. سوڭىندا قاسىم-جومارت توقايەۆ جاس سپورتشىلارعا ساتتىلىك تىلەپ، تەننيس راكەتكاسىنا قولتاڭبا جازىپ بەردى. زاماناۋي ورتالىقتا جارىس وتكىزەتىن 12 جانە جاتتىعۋ جاسايتىن 24 ۇستەل بار. زال ۇستەل تەننيسىنە قاجەتتى التى اۆتوماتتى ترەناجەرمەن، كاسىبي بەينە جانە اۋديو قۇرىلعىلارمەن، كورەرمەندەرگە ارنالعان 328 ورىندىقتى تريبۋنامەن جابدىقتالعان.