ەلىمىزدە تۇڭعىش رەت حالىق ساناعى ەلەكتروندى تۇردە وتكىزىلدى.
ق ر پرەمەر-مينيسترى اسقار ءماميننىڭ توراعالىعىمەن وتكەن ۇكىمەت وتىرىسىندا ۇلتتىق حالىق ساناعىنىڭ الدىن الا قورىتىندىسى قارالدى، دەپ حابارلايدى Almaty-akshamy.kz ۇكىمەتتىڭ رەسمي سايتىنا سىلتەمە جاساپ.
ق ر ستراتەگيالىق جوسپارلاۋ جانە رەفورمالار اگەنتتىگىنىڭ ۇلتتىق ستاتيستيكا بيۋروسىنىڭ باسشىسى نۇربولات ايداپكەلوۆ حالىق ساناعىن وتكىزۋ جونىندەگى جۇمىستىڭ اياقتالعانى تۋرالى باياندادى. حالىقتىڭ 60%-عا جۋىعىنا ءداستۇرلى ساناق جۇرگىزىلدى. ەلىمىزدە تۇڭعىش رەت حالىق ساناعى ەلەكتروندى تۇردە وتكىزىلدى. حالىقتىڭ 40%-دان استامى ساناققا sanaq.gov.kz سايتىندا ەلەكتروندىق ساناق پاراقتارىن وزدەرى تولتىرۋ ارقىلى قاتىستى.
حالىق ساناعىنا ساناق پەرسونالىنىڭ 25 مىڭعا جۋىق ادامى، سونداي-اق ۇلتتىق ستاتيستيكا بيۋروسىنىڭ اۋماقتىق بولىمشەلەرى مەن ورتالىق اپپاراتىنىڭ قىزمەتكەرلەرى قاتىستى. الدىن الا قورىتىندىسى بارلىق تەكسەرۋ اياقتالعاننان كەيىن جەلتوقسان ايىنىڭ سوڭىندا شىعارىلادى. ۇكىمەت باسشىسى كۇردەلى ەپيدەميولوگيالىق جاعدايلاردا وتكەن ۇلتتىق حالىق ساناعى مەيلىنشە ساپالى ۇيىمداستىرىلعانىن اتاپ ءوتتى.
پرەمەر-مينيستر قازاقستاندىقتارعا وسى ماڭىزدى ناۋقانعا بەلسەندى قاتىسقان ءۇشىن، سونداي-اق ۇلتتىق ستاتيستيكا بيۋروسىنىڭ قىزمەتكەرلەرى مەن وسى ناۋقانعا جۇمىلدىرىلعان ازاماتتارعا اتقارعان جۇمىسى ءۇشىن العىس ءبىلدىردى.