بۇل تۋرالى بۇگىن وتكەن ۇكىمەت وتىرىسىندا ق ر دەنساۋلىق ساقتاۋ ءمينيسترى الەكسەي سوي مالىمدەدى.
قازاقستان حالىقتى كۆي-گە قارسى ۆاكسينانىڭ 2 دوزاسىمەن قامتۋ كورسەتكىشى بويىنشا 105-ورىندا، دەپ حابارلايدى Almaty-akshamy.kz
«الەمدىك رەيتينگكە سايكەس، كوروناۆيرۋس ينفەكسياسىنا قارسى ۆاكسيناسيا جۇرگىزگەن 205 ەلدىڭ ىشىندە قازاقستان حالىقتى كۆي-گە قارسى ۆاكسينانىڭ 2 دوزاسىمەن قامتۋ كورسەتكىشى بويىنشا 105-ورىندا تۇر جانە ۆاكسيناسيامەن قامتۋ حالىق سانىنىڭ 41 پايىزعا جۋىعىنا جەتتى. تمد ەلدەرى ىشىندە قازاقستان مەن ازەربايجان عانا حالىقتى ۆاكسيناسيامەن قامتۋدا 40 پايىزدان جوعارى كورسەتكىشكە قول جەتكىزىپ وتىر»، - دەدى مينيستر. ونىڭ اتاپ وتۋىنشە، ەلىمىزدە حالىقتى كوروناۆيرۋس ينفەكسياسىنا قارسى ۆاكسيناسيالاۋ جالعاسىپ جاتىر. «1-كومپونەنت 8،5 ملن ادام ەكپە الدى. ەكپە الۋعا ءتيىستى حالىقتى قامتۋ 74 پايىزدى نەمەسە حالىق سانىنىڭ 44،8 پايىزىن قۇرايدى. 2-كومپونەنتپەن شامامەن 7،7 ملن ادام قامتىلدى»، - دەدى الەكسەي سوي.