2022 جىلدىڭ قورىتىندىسى بويىنشا قازاقستان مەن باشقۇرتستان اراسىنداعى تاۋار اينالىمى $382 ملن قۇرادى
ق ر پرەمەر-مينيسترى ءاليحان سمايىلوۆ استانادا رەسەي فەدەراسياسى باشقۇرتستان رەسپۋبليكاسىنىڭ پرەمەر-مينيسترى اندرەي نازاروۆ باستاعان ۇكىمەتتىك دەلەگاسيامەن كەزدەسۋ وتكىزدى، دەپ حابارلايدى Almaty-akshamy.kz.
كەزدەسۋ بارىسىندا ساۋدا، ونەركاسىپتىك كووپەراسيا، اۋىل شارۋاشىلىعى، لوگيستيكا، تۋريزم جانە مادەنيەت سالالارىنداعى ىنتىماقتاستىقتىڭ وزەكتى ماسەلەلەرى تالقىلاندى.
2022 جىلدىڭ قورىتىندىسى بويىنشا قازاقستان مەن باشقۇرتستان اراسىنداعى ءوڭىرارالىق تاۋار اينالىمى بەلگىلى ءبىر ءوسىم كورسەتە وتىرىپ شامامەن $382 ملن قۇرادى.
بۇل رەتتە تاۋار اينالىمىن ودان ءارى ارتتىرۋعا جانە جەتكىزىلەتىن تاۋارلار تۇرلەرىن كەڭەيتۋگە الەۋەت بار.
ۇكىمەت باسشىسى ونەركاسىپتىك كووپەراسيا سالاسىنداعى بىرلەسكەن جوبالاردىڭ سانى ارتىپ كەلە جاتقانىن اتاپ ءوتتى.
ناقتىراق ايتقاندا، قوستاناي وبلىسىندا «ۋرالسكيي پرۋجيننىي زاۆود» جشق-نىڭ ءوندىرىسىن لوكاليزاسيالاۋ جۇمىستارى جۇرگىزىلىپ جاتىر.
«باشكيرسكايا سودوۆايا كومپانيا» اق-مەن جالپى سوماسى شامامەن $716 ملن بولاتىن ەكى ءىرى جوبا بويىنشا ىنتىماقتاستىق ورناتىلۋدا. «قازاقستان ۇكىمەتى باشقۇرتتىق كاسىپكەرلەرگە ينۆەستيسيالىق جوبالاردى ىسكە اسىرۋدا قاجەتتى قولداۋ كورسەتۋگە دايىن»، - دەدى ءاليحان سمايىلوۆ.
ءوز تاراپىنان اندرەي نازاروۆ قازاقستان مەن باشقۇرتستاننىڭ ايماقتارىن ءتۇرلى سالالارداعى كوپ جىلدىق تىعىز ىنتىماقتاستىق بايلانىستىراتىنىن اتاپ ءوتتى. سونىمەن بىرگە ونى ودان ءارى كەڭەيتۋگە جەتكىلىكتى الەۋەت بار.
«ءبىز قازاقستاندىق باعىتتا باشقۇرتستان ءۇشىن جانە جالپى ەلىمىز ءۇشىن، قازاقستان ءۇشىن دە ۇلكەن مۇمكىندىكتەر كورىپ وتىرمىز. سوندىقتان ءبىز قارىم-قاتىناسىمىزدى ءارى قاراي نىعايتىپ، جاڭا باعىتتار مەن دامۋ نۇكتەلەرىن قوسقىمىز كەلەدى»، - دەدى اندرەي نازاروۆ.