جاتاقحانا كىمگە تەگىن بەرىلەدى؟

ۇكىمەت ءتيىستى قاۋلى قابىلدادى.

بيىلدان باستاپ اتا-اناسىنان ايىرىلعان ستۋدەنتتەردىڭ جاتاقحانادا تۇرۋ شىعىندارى مەملەكەت تاراپىنان تولەنەدى، دەپ حابارلايدى Almaty-akshamy.kz ق ر ۇكىمەتىنىڭ باسپا ءسوز قىزمەتىنە سىلتەمە جاساپ. 

مەملەكەت باسشىسى قاسىم-جومارت توقايەۆ 2022 جىلعى 1 قىركۇيەكتەگى «ادىلەتتى مەملەكەت. ءبىرتۇتاس ۇلت. بەرەكەلى قوعام» جولداۋىندا ۇكىمەتكە «...ستۋدەنتتەردىڭ جەكەلەگەن الەۋمەتتىك تۇرعىدان از قامتىلعان ساناتتارى ءۇشىن جاتاقحانادا تۇرۋ شىعىستارىن سۋبسيديالاۋ مۇمكىندىگىن پىسىقتاۋدى» تاپسىرعان بولاتىن.

جاڭا وقۋ جىلى قارساڭىندا پرەزيدەنت تاپسىرمالارىن ورىنداۋ اياسىندا ۇكىمەت ءتيىستى قاۋلى قابىلدادى.

وسى رەتتە «الەۋمەتتىك كومەك كورسەتىلەتىن ازاماتتارعا الەۋمەتتىك كومەك بەرۋ قاعيدالارىنا» وزگەرىستەر مەن تولىقتىرۋلار ەنگىزىلدى. وعان سايكەس ازاماتتاردىڭ جەكەلەگەن ساناتتارى ءۇشىن ەلىمىزدىڭ كوللەدجدەرى مەن جوعارى وقۋ ورىندارىندا ءبىلىم الۋ كەزىندە جاتاقحانادا تۇرۋ شىعىستارى ءۇشىن وتەماقى تولەۋ كوزدەلگەن.

جاتاقحانالاردا تۇرۋ شىعىستارى ءۇشىن وتەماقى سوماسى جىلىنا 29 ايلىق ەسەپتىك كورسەتكىشتى قۇرايتىن بولادى.

بيىل بارلىعى 7 145 ادام وتەماقى الاتىن بولادى.

ولاردىڭ ىشىندە 4 651 جەتىم جانە اتا-انا قامقورلىعىنسىز قالعان ستۋدەنت.

2 494 مۇگەدەكتىگى بار، بالا كەزىنەن مۇگەدەك ادامدار، مۇگەدەكتىگى بار بالالار بار.

وتەماقى بيىل قىركۇيەكتەن باستاپ بەرىلەدى.