ءاليحان سمايىلوۆ جىلۋ ماۋسىمىنا دايىندىق جۇمىسىنا قاتىستى سىن ايتتى، دەپ حابارلادى Almaty-akshamy.kz قازاقپاراتقا سىلتەمە جاساپ.
«قىستىڭ قامىن جاز ويلا» دەپ بەكەر ايتىلماعان. ءبىز وسى ماسەلەنى ماۋسىم ايىندا ادەيى ەرتەرەك قاراپ وتىرمىز. جىلىتۋ ماۋسىمىنىڭ باستالۋىنا دەيىن ۋاقىت جەتكىلىكتى. جوندەۋ جۇمىستارىنىڭ بەكىتىلگەن كەستەسى بار. ولاردى بۇزۋعا بولمايدى. ءقازىردىڭ وزىندە ءبىز اكىمدىكتەر مەن ورتالىق مەملەكەتتىك ورگانداردىڭ جۇمىسىنان ءبىرقاتار كەمشىلىكتى كورىپ وتىرمىز»، - دەدى ءاليحان سمايىلوۆ ۇكىمەت وتىرىسىندا.
ونىڭ ايتۋىنشا، كەي وڭىرلەردە جىلۋ ماۋسىمىنا دايىندىق جۇمىسى باياۋ ءجۇرىپ جاتىر.
«ءبىرىنشى باسشىلاردىڭ، اكىمدەر مەن مينيسترلەردىڭ جاۋاپتى ورىنباسارلارى كابينەتتە وتىرماي جۇمىستىڭ بەل ورتاسىندا ءجۇرۋى ءتيىس. پروبلەمالاردى وبەكتىنىڭ باسىندا شۇعىل شەشۋ قاجەت. ارقانى كەڭگە سالاتىن ۋاقىت جوق، جاز ورتاسى كەلىپ قالدى. تاۋلىك بويى جۇمىس ىستەۋ كەرەك، بىزدە قۇرىلىس ماۋسىمى وتە قىسقا، سوندىقتان تاۋەكەل دە جوعارى. ەگەر، جاز بىتكەنشە جاعداي جاقسارمايتىن بولسا، وندا جاۋاپتى ادامدارعا قاتىستى كادرلىق شەشىمدەر قابىلدانادى»، - دەيدى ول.