قارالى حاباردى قازاقستان اۋىر اتلەتيكا فەدەراسياسى جەتكىزدى.
«كەشە كەشكىسىن تاجىريبەلى اۋىر اتلەت ۆلاديمير سەدوۆ دۇنيەدەن ءوتتى. 2008 جىلعى وليمپيادا قاتىسۋشىسى، قازاقستاننىڭ بىرنەشە دۇركىن چەمپيونى جانە رەكوردسمەنى ۆلاديمير سەدوۆ بالا كەزىنەن سپورتقا شىن بەرىلگەن جان ەدى. ەرەكشە جەتىستىكتەرى ءۇشىن «قۇرمەت» وردەنىمەن ماراپاتتالعان. اۋىر اتلەتيكا فەدەراسياسىنىڭ ۇجىمى ءۆلاديميردىڭ وتباسىنا، تۋعان-تۋىستارى مەن جاقىندارىنا قايعىسىنا ورتاقتاسىپ كوڭىل ايتادى»،-دەپ جازادى فەدەراسيا Facebook پاراقشاسىندا.
ۆلاديمير سەدوۆ 1988 جىلى 2 ناۋرىزدا ۇشتوبەدە دۇنيەگە كەلگەن.
سەدوۆتار اۋلەتىندە ءتورت بالا بار. ۆلاديمير جاستايىنان سپورتپەن اينالىسقان.
اعاسى سەرگەي سەدوۆ جاتتىقتىرۋشىلىقپەن اينالىسادى، الماتى وبلىسى اۋىر اتلەتيكا فەدەراسياسىنىڭ جاتتىقتىرۋشىسى بولعان. ءقازىر اۋىر اتلەتيكادان قازاقستان ەرلەر قۇراماسىنىڭ باپكەرى.
ۆلاديمير سەدوۆ قازاقستان رەسپۋبليكاسىنىڭ ەڭبەك سىڭىرگەن سپورت شەبەرى، حالىقارالىق دارەجەدەگى سپورت شەبەرى ەدى.