بۇل تۋرالى ۇكىمەت وتىرىسىندا ەڭبەك جانە حالىقتى الەۋمەتتىك قورعاۋ ءمينيسترى تامارا دۇيسەنوۆا ايتتى، دەپ حابارلايدى Almaty-akshamy.kz.
«مەنتالدى اۋرۋى بار بالالاردى شيپاجايلىق-كۋرورتتىق ەمدەۋ دەنساۋلىق ساقتاۋ مينيسترلىگىمەن بىرلەسە وتىرىپ، پيلوتتى تۇردە جۇرگىزىلەتىن بولادى. الدىمىزداعى جارتى جىلدىقتا ءوڭىر باسشىلارى وسى ساناتتاعى 1126 بالانى شيپاجايدا ەمدەۋدى قاراستىرىپ، قاجەتتى قاراجات ءبولدى»، - دەدى ول.
مينيستر الداعى ۋاقىتتا مۇگەدەكتىگى بار جاندارعا ياندەكس تاكسي قىزمەت كورسەتەتىندىگىن اتاپ ءوتتى.
«سونىمەن قاتار ينۆاتاكسي ماسەلەسىن تۇپكىلىكتى شەشۋ ءۇشىن ياندەكس تاكسيمەن كەلىسسوزدەر جۇرگىزىلدى. الماتى، استانا قالالارىندا وسى پلاتفورما قىزمەتى مۇگەدەكتىگى بار ازاماتتار ءۇشىن قولجەتىمدى بولماق»، - دەدى تامارا دۇيسەنوۆا.