پرەمەر-مينيستردىڭ ورىنباسارى – ۇلتتىق ەكونوميكا ءمينيسترى سەرىك ءجۇمانعاريننىڭ ايتۋىنشا، بولاشاقتا باقتاشىلار ەڭبەگىنە قوسىمشا جاردەماقى الىپ، ەرتە زەينەتكە شىعادى، بالا-شاعاسى وقۋدى تەگىن وقىپ، ءتىپتى اسكەردەن بوساتىلادى، دەپ حابارلايدى aqshamnews.kz
ءجۇمانعاريننىڭ سوزىنشە باستاما – 2026-2030 جىلدارعا ارنالعان مال شارۋاشىلىعىن قولداۋ جانە دامىتۋ جونىندەگى كەشەندى جوسپاردىڭ ءبىر بولىگى. ماسەلەنىڭ ءمان-جايىن اۋىل شارۋاشىلىعى مينيسترلىگى ءتۇسىندىردى.
«باقتاشىلار، ياعني، تۇيەشى، شوپانداردىڭ زەينەت جاسىن تومەندەتۋ، بالالارىن گرانت ارقىلى وقىتۋ بويىنشا قوسىمشا جەڭىلدىكتەر قاراستىرۋ جونىندە ۇسىنىس كەلىپ تۇسكەن بولاتىن. قازىرگى تاڭدا ونى جۇمىس توبى قاراستىرىپ جاتىر»، - دەيدى ۆەدومستۆو ماماندارى.
دەپۋتاتتار دا مالشىلارعا قولداۋ ءبىلدىرۋ كەرەك دەپ وتىر. ايداربەك حوجانازاروۆتىڭ پىكىرىنشە ەڭبەك ادامدارىنىڭ جالاقىسىن كوتەرىپ قانا قويماي، باسپانامەن قامتۋ كەرەك.
«ءقازىر شوپان تابۋ قيىن. 500-700 مىڭ تەڭگە ۇسىنساڭ دا، جۇمىسشى تابىلا بەرمەيدى. بولەك مارتەبە بەرۋ، بولەك قولداۋ – مال شارۋاشىلىعى ءۇشىن وتە ماڭىزدى. پرەزيدەنتىمىز دە كەلەسى جىلى مال شارۋاشىلىعىنا كوڭىل بولىنەتىنىن ايتتى»، - دەيدى ايداربەك حوجانازاروۆ.