جەتىسۋ وبلىسىندا «تازا قازاقستان» ەكولوگيالىق باعدارلاماسى اياسىندا تالدىقورعاندا ەرەكشە فورماتتاعى اكسيا ۇيىمداستىرىلدى، - دەپ حابارلايدى aqshamnews.kz ءتىلشىسى.
قاتىسۋشىلار قالا كوشەلەرىن تازالاپ جۇرگەن ەڭبەككەرلەرگە العىس ايتىپ، ولاردى ىستىق شايمەن كۇتىپ، سانيتارلىق جۇمىستارعا بىرگە اتسالىستى. شاراعا 50-گە جۋىق ادام قاتىستى.
«جەتىسۋ جاستارى» كمم ديرەكتورى ءشامىل ۆانكەيەۆتىڭ ايتۋىنشا، اكسيانىڭ ماقساتى – تەك قوقىس جيناۋ ەمەس، ەكولوگيالىق مادەنيەتتى دامىتۋ جانە قوعامدى ورتاق جاۋاپكەرشىلىككە شاقىرۋ.
«TAZA ECO» كلۋبىنىڭ مۇشەسى اقەركە دوسىمحان قىزى مۇنداي شارالار جاستاردىڭ تابيعاتقا جاناشىرلىعىن ارتتىرىپ، ەڭبەكتى باعالاۋعا، قوعامعا ۇلەس قوسۋعا تاربيەلەيتىنىن اتاپ ءوتتى. ونىڭ ايتۋىنشا، ءاربىر تازالانعان كوشە – قوعامنىڭ بىرلىگى مەن جاۋاپكەرشىلىگىنىڭ كورىنىسى.