ليزينگتىڭ اۆتونەسيەدەن ايىرماشىلىعى كولىكتى العاشقى جارناسىز ءارى نەسيەسىز ۇزاق مەرزىمگە جالعا الۋعا بولادى، دەپ حابارلايدى aqshamnews.kz
ونەركاسىپ جانە قۇرىلىس مينيسترلىگى جىلدىق شەكتى مولشەرلەمەنى 36%-كە دەيىن بەكىتتى. بۇعان دەيىن 45 پايىزعا دەيىن ەستەپتەلگەن ەدى. باعدارلامانىڭ ماقساتى – اۆتوكولىكتى ساتىپ الۋدى قولجەتىمدى ەتۋ.
ليزينگتىڭ اۆتونەسيەدەن ايىرماشىلىعى كولىكتى العاشقى جارناسىز ءارى نەسيەسىز ۇزاق مەرزىمگە جالعا الاسىز. كەلىسىمشارت مەرزىمى اياقتالعاندا تەمىر تۇلپاردى قايتا وتكىزۋگە نەمەسە قالعان بەرەشەگىڭىزدى وتەۋ ارقىلى ساتىپ الۋعا بولادى.
«بۇل جەرگە ەكىنشى دەڭگەيلى بانكتەردى كىرگىزبەۋ كەرەك. ەگەر ەكىنشى دەڭگەيلى بانكتەردى كىرگىزسەك، ول ەرتەڭ تۋرا اۆتونەسيە بولادى. سوندىقتان بۇل جەردە بولەك ءبىر كومپانيا قۇرىلۋ كەرەك»، - دەيدى قازاقستان پارلامەنتى ءماجىلىسىنىڭ دەپۋتاتى ولجاس قۇسپەكوۆ.
ەسكە سالا كەتەيىك، بۇعان دەيىن ساۋدا جانە ينتەگراسيا ۆيسە-مينيسترى ايدار ابىلدابەكوۆ قازاقستاندىقتار ليزينگكە العان اۆتوكولىگىن كەرى قايتارا الاتىنىن مالىمدەگەن بولاتىن. ءاربىر اۆتوسالون مەن ليزينگتىك كومپانيا ءۇشىن پايىزدىق مولشەرلەمەلەر، مەرزىمدەر مەن باسقا دا پارامەترلەر جەكە بەلگىلەنەدى.