ۇكىمەت بالالاردى ءقاۋىپتى اۋرۋلارعا قارسى يممۋنداۋعا 5،8 ميلليارد تەڭگەدەن استام قارجى ءبولدى.
پرەمەر-مينيستر ولجاس بەكتەنوۆ ءتيىستى قاۋلىعا قول قويدى، دەپ حابارلايدى Almaty-akshamy.kz.
ماقسات ەلىمىزدەگى ەپيدەميولوگيالىق جاعدايدى باقىلاۋدا ۇستاپ، بالالاردى ءتۇرلى كەسەلدەن قورعاۋ. دەنساۋلىق ساقتاۋ مينيسترلىگى جۇرگىزگەن تالداۋى كورسەتكەندەي، قازاقستاندا ەكپە الماعان 800 مىڭنان استام بالا بار. ەندى ولارعا كوكجوتەل، قىزىلشا، قىزامىق، سىرەسپە، پوليوميەليت سياقتى ءقاۋىپتى جۇقپالى اۋرۋلارعا قارسى يممۋنداۋ جۇرگىزىلەدى. قاراجات وبلىستاردىڭ، رەسپۋبليكالىق ماڭىزى بار قالالار مەن استانانىڭ اكىمدىكتەرىنە ۆاكسينا مەن شپريس ساتىپ الۋعا اۋدارىلادى. سونداي-اق، مينيسترلىك وكىلدەرى ەكپە الۋدى قاجەت ەتەتىن ينفەكسيالارمەن سىرقاتتانداردىڭ كوبەيگەنىن ايتادى. ناۋقاستاردىڭ كوبى ۆاكسينا سالدىرماعان دەدى.