ءىم جۇيەسىندە باكالاۆريات باعدارلاماسى بويىنشا كۋرسانتتاردى دايارلايتىن ءتورت جوعارى وقۋ ورنى جۇمىس ىستەيدى، دەپ حابارلايدى Almaty-akshamy.kz.
"مينيسترلىكتىڭ جوعارى وقۋ ورىندارىنا ىشكى ىستەر ورگاندارىنىڭ قىزمەتكەرلەرىنە قويىلاتىن تالاپتارعا ساي كەلەتىن، اسكەري قىزمەتكە جانە وقۋعا دەنساۋلىعى جارامدى جاستار قابىلدانادى. وقۋعا تاپسىرۋ ءۇشىن ماۋسىم ايىنا دەيىن پوليسيا بولىمدەرىنىڭ كادر قىزمەتىنە، تۇرعىلىقتى جەرى بويىنشا قىلمىستىق-اتقارۋ جۇيەسى دەپارتامەنتىنە نەمەسە وقۋ ورنىنىڭ سايتىنا ءوتىنىش قالدىرۋ قاجەت. سونداي-اق مەديسينالىق جانە پسيحوفيزيولوگيالىق كۋالاندىرۋدان، پوليگرافتا تەكسەرۋدەن ءوتۋ كەرەك. ۇلتتىق ءبىرىڭعاي تەستىلەۋدە كەمىندە 50 بالل جيناۋ كەرەك. ماتەماتيكا مەن وقۋ ساۋاتتىلىعىنان كەمىندە ءۇش بالل جانە باسقا پاندەر بويىنشا كەمىندە بەس بالل بولۋى ءتيىس. وسىلاردان كەيىن عانا ءىىم جوعارى وقۋ ورنىنداعى كونكۋرسقا قاتىسا الاسىز"، – دەدى بريفينگتە دەپارتامەنت باستىعى – ءىىم رەسمي وكىلى شىڭعىس الەكەشيەۆ.
سپيكەر ءىىم جوعارى وقۋ ورىندارىندا وقۋدىڭ ارتىقشىلىقتارىنا دا توقتالدى.
"كۋرسانتتار مەملەكەتتىك تاپسىرىس نەگىزىندە ءبىلىم الادى. تەگىن تاماقپەن، جاتىن ورنىمەن قامتاماسىز ەتىلەدى. تەگىن مەديسينالىق قىزمەت كورسەتىلەدى. وقۋ ورىندارىندا جاتتىعۋ جانە سپورت زالدارى قاراستىرىلعان. ستيپەنديا الادى. وقۋ مەرزىمى اسكەري قىزمەت وتكەرۋمەن تەڭەستىرىلەدى. ەڭ باستىسى تۇلەكتەر 100% جۇمىسپەن قامتىلادى. وقۋ اياقتالعاننان كەيىن “پوليسيا لەيتەنانتى” شەنى بەرىلەدى"، – دەدى شىڭعىس الەكەشيەۆ.