كەلن قالاسىنداعى نەمىس اۆياسيا جانە كوسموناۆتيكا ورتالىعى جاڭا جانە قىزىقتى زەرتتەۋ باستادى. عالىمدار اۋە وپەراتورلارىنىڭ جۇمىسىنا جاساندى ينتەللەكتتىڭ اسەرى مەن ولاردىڭ شارشاۋ دەڭگەيىنىڭ قالاي وزگەرەتىنىن انىقتاۋدى ماقسات ەتكەن. بۇل زەرتتەۋ ءۇشىن ارنايى ەرىكتىلەر ىزدەستىرىلۋدە، دەپ حابارلايدى aqshamnews.kz
زەرتتەۋ بارىسىندا قاتىسۋشىلارعا ءتورت كۇن بويى ءارتۇرلى ۇيقى رەجيمدەرىندە بولۋ ۇسىنىلادى. ءتورت كۇننىڭ ءبىر تۇنىندە ەرىكتىلەر مۇلدە ۇيىقتاماي، دەنساۋلىق پەن شارشاۋ دەڭگەيىنە اسەرىن تەكسەرۋگە مۇمكىندىك بەرەدى. زەرتتەۋگە قاتىساتىن ادامدار 18-40 جاس ارالىعىنداعى، دەنساۋلىعى جاقسى، زياندى ادەتتەرى جوق جانە نەمىس ءتىلىن ەركىن مەڭگەرگەن بولۋى قاجەت.
زەرتتەۋ ناتيجەسىندە قاتىسۋشىلارعا 500 ەۋرو كولەمىندە تولەماقى بەرىلەدى.
اۆياسيا سالاسىنىڭ بولاشاعى جاساندى ينتەللەكتپەن تىعىز بايلانىستى
بۇل زەرتتەۋ اەروعارىش جانە اۆياسيا سالاسىنىڭ بولاشاعىن وزگەرتۋى مۇمكىن. عالىمدار LOKI جوباسى اياسىندا سيفرلى ۇشقىشتار مەن اۋە ديسپەچەرلەرىنىڭ جاڭا پروتوتيپتەرىن ازىرلەۋدى جوسپارلاپ وتىر. جاساندى ينتەللەكتتىڭ اۋە قاۋىپسىزدىگى مەن باسقارۋ جۇيەسىندەگى ءرولى ارتىپ كەلە جاتقاندىقتان، زەرتتەۋ ناتيجەلەرى بۇل سالانىڭ تيىمدىلىگىن ارتتىرۋعا ۇلكەن سەپتىگىن تيگىزۋى مۇمكىن.
عىلىم مەن تەحنولوگيانىڭ دامۋى، سونداي-اق جاساندى ينتەللەكتتىڭ كەڭىنەن قولدانىسقا ەنۋى الداعى جىلدارى اۆياسيا سالاسىن جاڭا دەڭگەيگە كوتەرەدى دەپ كۇتىلۋدە.