ديەتولوگ گينزبۋرگ ۇيقىسىزدىقپەن كۇرەسۋ ءۇشىن ءجۇزىم، بادام جانە جۇمىرتقا جەۋگە كەڭەس بەردى.
مەديسينا عىلىمدارىنىڭ دوكتورى، رەسەيلىك ديەتولوگ ميحايل گينزبۋرگ «روسسيا 1» ارناسىنىڭ «و ساموم گلاۆنوم» باعدارلاماسىندا ۇيقىسىزدىقتى جەڭۋگە كومەكتەسەتىن ونىمدەردى اتادى، دەپ حابارلايدى Almaty-akshamy.kz Lenta.ru سايتىنا سىلتەمە جاساپ.
مامان بۇل ماسەلەنى شەشۋ ءۇشىن قىزىل ءجۇزىم، بادام جانە جۇمىرتقا جەۋدى ۇسىندى.
ديەتولوگ قىزىل ءجۇزىمدى قالىپتى ۇيقىنى قامتاماسىز ەتەتىن بىردەن-بىر ءونىم رەتىندە اتادى.
«بىرىنشىدەن، ءجۇزىمنىڭ قۇرامىندا ۇيقى گورمونى رەتىندە بەلگىلى مەلاتونين بار»، - دەدى گينزبۋرگ.
دارىگەر مەلاتونيننىڭ ادامنىڭ بيولوگيالىق ساعاتىن رەتتەيتىن قاسيەتى بار ەكەنىن ءتۇسىندىردى. سونىمەن قاتار، گورموننىڭ جەتكىلىكتى مولشەردە ءوندىرىلۋى سالماقتىڭ قالىپتى بولۋىن قامتاماسىز ەتەدى جانە گيپەرتونيانىڭ دامۋىنا جول بەرمەيدى، دەپ قوستى ول.
ۇيقىسىزدىقپەن كۇرەسۋگە كومەكتەسەتىن ونىمدەردىڭ اراسىنا دارىگەر بادامدى دا قوسقان. گينزبۋرگ بۇل جاڭعاقتىڭ قۇرامىندا ادامدى كۇيزەلىسكە ۇشىراتپايتىن ەلەمەنتتەر بار دەپ ءتۇسىندىردى.
«ناقتىراق ايتساق، ماگنيي تىنىشتاندىراتىن، جاسۋشالىق مەتابوليزمدى جاقسارتاتىن جانە جاسۋشالارداعى قوزۋ پروسەستەرىن ازايتاتىن مينەرال»، - دەپ اتاپ ءوتتى ول.
- جۇمىرتقا دا ۇيقىسىزدىقپەن كۇرەسۋگە كومەكتەسەدى، - دەيدى مامان. ونىڭ ايتۋىنشا، پروتەيندىك تاعامدار اقۋىزدى قۇرۋعا قاتىساتىن امين قىشقىلدارىنىڭ ءبىرى - تريپتوفانعا باي.
«اعزاداعى تريپتوفان سەروتونينگە - قۋانىش گورمونىنا اينالادى، سەروتونين كەيىن مەلاتونينگە اينالادى»، - دەپ قورىتىندىلادى دارىگەر.
بۇدان بۇرىن گينزبۋرگ تۇنگى جۇرەك جالعاۋعا ارنالعان ەڭ جاقسى تاعامداردى اتاعان. ولاردىڭ ىشىندە ءسۇت قىشقىلدى سۋسىندارىمەن بىرىكتىرىلگەن ميۋسلي، قانتسىز جارما ۇلپەكتەرىن اتادى. ماماننىڭ ايتۋىنشا، ەگەر ادام بىردەڭە جەگىسى كەلگەن قۇمارلىقپەن ۇيقىعا جاتسا، تۇندە اشتىق سەزىمى كۇشەيىپ ويانىپ كەتەدى، ال تاڭەرتەڭ تاماقتى ارتىعىمەن جەي باستايدى، بۇل بەلسەندىلىكتىڭ، كوڭىل-كۇيدىڭ تومەندەۋىنە اكەلەدى جانە جالقاۋلىققا جەتەلەيدى.