ەستىمەگەن ەلدە كوپ.
قىتايدا ەرەكشە ماماندىق يەلەرىنە سۇرانىس ارتقان، دەپ حابارلايدى aqshamnews.kz.
ولار - سليپمەيكەرلەر. ياعني، اعىلشىن تىلىنەن تىكەلەي اۋدارعاندا "ۇيقى جاساۋشىلار"، ياعني ۇيىقتاتۋشىلار.
مۇنداي بىرەگەي ماماندىق ءومىر ءسۇرۋ قۇنىنىڭ ارتۋىنا جانە وزگە دە الەۋمەتتىك-ەكونوميكالىق فاكتورلارعا بايلانىستى كۇللى الەمدى جايلاعان ۇيقىسىزدىق ىندەتىنەن كەيىن پايدا بولعان.
سليپمەيكەرلەر ۇيقىسى قاشقان ادامداردى جانعا جايلى اڭگىمەلەرىمەن ۇيىقتاۋعا كومەكتەسەدى.
ايرىقشا ماماندىق يەلەرى نەگىزىنەن قاربالاس ءارى قىم-قۋىت تىرلىكتەن، كۇيزەلىستەن جانە باسقا دا ومىرلىك قيىندىقتاردىڭ سالدارىنان ۇيقىسىزدىققا ۇشىراعان جاستارعا قىزمەت كورسەتەدى. تاجىريبەلى مامان ساعاتىنا 260 يۋانعا (قىتايدىڭ ءتول اقشاسى) دەيىن تابىس تابا الاتىنى حابارلاندى. سونىمەن قاتار، ولار ونلاين جانە وفلاين رەجيمىندە جۇمىس ىستەي الادى. سەانس كليەنت ۇيقىعا كەتكەندە اياقتالادى.