جانىڭدا ءجۇر جاقسى ادام
جاقىندا استانادا تۇرعىن ءۇي كەشەنىندەگى پاتەرلەردىڭ بىرىندە ءورت شىققانىن ەسىڭىزدە مە؟
ءورت ىشىندە 15 جاستاعى قىز قالىپ قويعان ەدى، وعان باتىل جىگىت كومەككە كەلدى. ول بالكوننان ورتەنىپ جاتقان پاتەرگە كىرىپ، جىلاپ تۇرعان ءجاسوسپىرىمدى تاۋىپ، ونى ءورت سوندىرۋشىلەرگە تاپسىرىپ، العىس كۇتىپ تۇرماي، ءوز شارۋاسىمەن كەتە باردى.
اراعا ۋاقىت سالىپ بەلگىسىز باتىر تابىلدى. ونىڭ ەسىمى التىنبەك التايەۆ ەكەن. بيىل جەلتوقساندا 40 جاسقا تولادى، وسى كەشەننىڭ № 4 پودەزىندە تۇرادى جانە تاكسيست بولىپ جۇمىس ىستەيدى. التىنبەك كومەككە شاقىرعان جانە ايعايلاعان داۋىستاردى ەستىپ، ءتۇتىندى كورىپ، بىردەن ارەكەت ەتكەن. كەي-كەيدە ارامىزدا جۇرگەن وسىنداي ەل اراسىندا كورىنبەي جۇرگەن "باتىرلاردى" بايقاماي قالامىز. ەڭبەگىن ەلەمەي جاتامىز. ەندەشە ەرلىگىن بۇلدامايتىن، جاقسىلىق جاساۋعا جانى قۇمار التىنبەكتەي جاندار كوپ بولسىن!