eGov Mobile ءموبيلدى قوسىمشاسى، www.gov.kz جانە imei.rfs.gov.kz پورتالدارى ارقىلى ۇيالى تەلەفوندى تەكسەرۋگە بولادى، دەپ حابارلايدى aqshamnews.kz
سيفرلىق دامۋ، يننوۆاسيالار جانە اەروعارىش ونەركاسىبى مينيسترلىگى ءموبيلدى قۇرىلعىلاردىڭ ۆەريفيكاسياسىن قالاي تەكسەرۋگە بولاتىنىن حابارلادى.
بۇگىندە eGov Mobile ءموبيلدى قوسىمشاسى، www.gov.kz جانە imei.rfs.gov.kz پورتالدارى ارقىلى ۇيالى تەلەفوننىڭ تىركەلگەنىن، يا تىركەلمەگەنىن تەكسەرۋگە بولادى. سونداي-اق ناقتى قۇرىلعىعا بايلانعان نومىرلەردىڭ سانىن بىلۋگە مۇمكىندىك بار.
IMEI-كود تىركەلگەن قۇرىلعىلار بازاسىندا بار بولسا، جۇيە ونىڭ جەلىدە تىركەلگەنى تۋرالى حابارلايدى.
eGov Mobile ءموبيلدى قوسىمشاسى ارقىلى قىزمەتتى پايدالانۋ ءتارتىبى:
eGov Mobile قوسىمشاسىندا اۆتوريزاسيادان ءوتۋ كەرەك؛
باستى بەتتەگى "تانىمال قىزمەتتەر" بولىمىنەن "ابونەنتتىك قۇرىلعىنىڭ IMEI كودىن تەكسەرۋ" سەرۆيسىن تاڭداۋ قاجەت؛
جەكە دەرەكتەرگە قول جەتكىزۋگە رۇقسات بەرۋ كەرەك؛
تەكسەرۋدىڭ قولجەتىمدى ادىستەرىنىڭ ءبىرىن تاڭداپ، ناتيجەمەن تانىسۋ قاجەت.
www.gov.kz پورتالىندا قىزمەتتى پايدالانۋ ءتارتىبى:
قازاقستان رەسپۋبليكاسىنىڭ سيفرلىق دامۋ، يننوۆاسيالار جانە اەروعارىش ونەركاسىبى مينيسترلىگىنىڭ سايتىنا ءوتۋ؛
"ابونەنتتىك قۇرىلعىنىڭ IMEI كودىن تەكسەرۋ" سەرۆيسىنە سىلتەمە نەمەسە باننەر ارقىلى كىرۋ؛
تەكسەرۋدىڭ قولجەتىمدى ادىستەرىنىڭ ءبىرىن تاڭداپ، ناتيجەمەن تانىسۋ.
imei.rfs.gov.kz پورتالىندا قىزمەتتى پايدالانۋ ءتارتىبى:
rfs.gov.kz سايتىنا ءوتۋ؛
تەكسەرۋدىڭ قولجەتىمدى ادىستەرىنىڭ ءبىرىن تاڭداپ، ناتيجەمەن تانىسۋ.
بۇدان بولەك، جسن ارقىلى تەكسەرۋ فۋنكسياسى دا قولجەتىمدى. سونداي-اق IMEI-كود بويىنشا ابونەنتتى تەكسەرۋ سەرۆيسى بار، ول بەلگىلى ءبىر قۇرىلعىنى قانشا ابونەنتتىك ءنومىر قولدانعانى جونىندە اقپارات بەرەدى.